20 нче март көнне башлангыч сыйныф укучылары арасында үткәрелгән "Земля - планета загадок" исемле фәнни - тикшеренү конференциясенең йомгаклау этабы булды. Безнең мәктәптән "Бездә кышлаучы кошлар" эше белән Мирьякупова Әнисә (җитәкчесе - Әхмәтҗанова Ф.К.), "Кышкы чорда башлы суганны яшел кыяк итеп үстерү"  эше белән Шәйхетдинова Айсылу (җитәкчесе - Салахова Г.Ә.), "Салават күпере -  искиткеч могҗиза" эше белән Мирьякупов Рәшит (җитәкчесе - Салахова Г.Ә.) катнашты. Мирьякупов Рәшитнең эше 2 нче урынга лаек булды.

Әйе, кабатланмас балачак иленең иң шәп бәйрәмнәренең берсе -  Әлифба бәйрәме. Җир йөзендә кем генә булмасын, кайда гына хезмәт итмәсен, ул зул дулкынлану белән үзенең нәни кулларына тәүге тапкыр Әлифба алганын искә төшерә. Чөнки һәркемнең дә белем дөньясына аяк атлавы Әлифбадан башланган. Димәк, Әлифба китабы озын гомерле, тирән мәгънәле, бәһасез байлык ул.

Ял көне булуга карамастан мәктәбебез бала-чага тавышыннан гөр килеп торды. Бөтен Рәсәй буенча чаңгыда шуучылар бәйрәме иде бүген.Укытучылар, ата-аналар, балалар рәхәтләнеп ял иттеләр.

4-9 февраль көннәрендә Шахмай урта мәктәбендә химия атналыгы үткәрелде. 8-11 сыйныфларның   җыелма командалары арасында уздырылган интеллектуаль уен балаларга аеруча ошады. 18 февраль көнне 9, 11 сыйныф укучылары Яңа Чишмә гимназиясендә КГТУ галимнәре оештырган "ачык ишекләр" көненә барачаклар.

Мәктәбебез укучылары кирәк вакытта бик теләп "Татарстан " агрофирмасына булышырга баралар. Менә 31 гыйнвар көнне 10 сыйныф укучылары бозаулар фермасына чыктылар.  Алар яшь терлекләргә көздән киптерелгән кычыткан, агач ботаклары ташыдылар. Ферма хезмәткәрләре аларның эшеннән бик канәгать калды.