Чыршы бәйрәменең икенче сменасы (6-9 сыйныфлар) да гөрләп үтте. Бәйрәм бик күңелле һәм мавыктыргыч булды. Барлык укучылар да конкурслар һәм ярышларда актив катнаштылар. Укучылар тарафыннан әзерләнгән тамаша   балалар белән беррәттән ата- аналар, килгән кунаклар күңеленә дә бик хуш килде. 

Бүген лагерьның өченче көне. Бу көн "Тылсымлы әкият" дип аталды. Балалар төрле геройларыга киенеп әкият куйдылар. Әкият геройларына кагылышлы табышмаклар чиштеләр, уеннар уйнадылар. Саф һавага чыктылар.

Бүген 1 – 5 сыйныф укучыларының Чыршы бәйрәме үтте. Бәйрәмгә балаларның әти-әниләре генә түгел, әби-бабайлары, нәни балалар да килгән иде.Укучылар өчен бик сөенечле көн булды бүген. Алар Кыш бабай белән рәхәтләнеп бәйрәм иттеләр. Олы кунагыбызга үзләренең шигырьләрен сөйләделәр, бик матур биюләрен биеделәр, чыршы тирәли әйләнеп җырлар җырладылар.Бәйрәмгә Аю, төлке, куян, әби, бабай да кунакка килгән. Яңа ел котлы булсын! Дөньялар тыныч булсын! Табыннарыбыз мул, күңелләребез көр булсын! Авылларыбыз яшәсен! Мәктәпләребез гөрләп торсын! Котлыйбыз барчагызны Яңа ел бәйрәме белән. Каршы алыйк Яңа елны Бәхет шатлыклар белән.

Балалар лагерьның беренче көнендә инструктажлар белән танышып куллар куйдылар, девизны, исемне, җырны искә төшерделәр, уеннар уйнадылар, яңа елга әзерлек эшләре алып бардылар.

Сыйныф җитәкчеләре яктылык кайтаручы элементлар буенча тәрбия сәгатьләре һәм юлда йөрү кагыйдәләре буенча инструктажлар үткәрделәр.