Март! Яз башы, язның беренче ае. Яз белән әйтерсең, барлык тирәлек, яңадан яңара, табигать озакка талган йокысыннан, күкерәк тутырып сулыш алып күзен ача. Язгы табигать әйтерсең яңа туган сабый! Кар астыннан җир күренер-күренмәс борын төрткән яңа үлән, яңа чәчәк, яңа уҗым, яңа бөре... бар табигать әйтерсең яңадан туа, яңадан яра-ла. Яз үзе белән, матур бәйрәмебез - 8 нче Март Халыкара хатын-кызлар көнен алып килүче дә. Хатын-кызның матурлыгы, гүзәллеге, алиhалеге дә, нәкъ менә, язның кояш нурларыннан, тагын да балкый, нәфисләнә, уяна, әйтерсең кар астыннан кояшка тартылган умырзая, язгы ләлә чәчәк ата.

Язлы күңел

Үләннәргә кунган энҗеләрне
Чык бөртеге диеп алданма, – 
Сине сагынудан сыкрап чыккан
Күз яшьләрем тамды аларга.
 
Тәрәзгә сарылган тамчыларны
Яңгыр гына диеп карама, – 
Өзелеп яратуга түзалмыйча,
Күз яшьләрем шулай тама ла.

Сары иңгән яфракларга карап,
Минем дә бит күңел боега;
Яфрак түгел, сине көтә-көтә
Гомерләр бит шулай коела.
 
Язлы әле күңел, назлы әле –
Көзләр җиткән диеп алданма.
Кил син миңа мәңгелеккә диеп,

Язмышларны беркөн алда да.

Язучы, “Яңа гасыр” радиосының баш редакторы

Ш.Г.Җиһангирова Мөслим районының Баек авылында 1951 елның 28 февралендә дөньяга килә. Урта белемле Казан шәһәрендә ала. 1974 елда КДУның татар теле һәм әдәбияты факультетын тәмамлый.

Шәмсия – бик күп популяр җырлар авторы; моңа кадәр ул үзенең лирик шигырьләре белән танылу алды. Укучылар аның “Төсле моң”, “Яшел гармун”, “Җирсу” китапларын яратып укыды. Шәмсия Җиһангирова–ТР Язучылар берлеге члены. Бүгенге көндә “Яңа гасыр” радиосында баш редактор булып эшли.

Ул шулай ук күп кенә повесть һәм әсәрләр, юмористик хикәяләр авторы да. Аның каләменнән матурлык һәм җылылык бөркелә. Ул – лирик күңелле, романтик рухлы шагыйрә.

Ш.Җиһангирова – 1991 елдан СССР (Татарстан) Язучылар берлеге әгъзасы.

Күгәрчен түше кебек –

Төрле төсләргә керәм,

Төс белән генә мактанмыйм,

Тәмле исләр дә бирәм.

Миннән сыгып алган суны –

“Ислемай” дип йөртәләр.

Бәйрәм көнне костюмнарга,

Күлмәкләргә сөртәләр.

Ватанны саклау – ир-егетләребезнең буыннан-буынга күчкән изге бурычы. Хәрби хезмәттәге кешеләр олы ихтирамга лаек. Алар илебезнең чикләрен, безнең  тыныч тормышыбызны уяу саклыйлар. Бик борынгы заманнардан ук Ватан сакчысы булу дәрәҗәле, абруйлы һөнәрләрдән саналган. Бабайлар, әтиләр, абыйлар туган ил алдындагы бурычларын намус белән үтәгәннәр.

Хөрмәтле абыйлар, егетләр, әтиләр!

Сез безнең күңелгә мәңгелек ышаныч!

Сез көчле,сез батыр,сез—безнең куаныч!

Сез—алтын багана, гаиләдә сез -терәк !

Тынычлык-иминлек сагында сез кирәк !

Бүген Акбүре төп гомуми белем мәктәбендә “21нче февраль -Халыкара  туган тел көне”нә багышланган чара үткәрелде. Укучылар тел темасына  багышланган презентация карап үттеләр, рәсемнәр карадылар, бик кызыксынып сорауларга җавап бирделәр.

Акбүре төп мәктәбенең 2,4 нче сыйныфының сыйныф җитәкчесе Билалова Алсу Минневәкил кызы  районкүләмендә үткән сыйныф җитәкчеләр бәйгесендә катнашты.

Бүген Акбүре музеенда "Батырлык дәресләре" үтте. Әлеге дәресләрдә укучылар тыныч тормышта батырлык күрсәтүчеләр-суга батучыларны, янгын эчендә калучыларны коткаручылар, мохтаҗларга ярдәм итүчеләр,сугыш кырларында батырлыклар күрсәтүчеләр һ.б. батырлар турында бай эчтәлекле әңгәмә оештырдылар. Әлеге чара укучыларга патриотик һәм әхлак тәрбиясе бирүдә уңышлы булды.