Акбүре мәктәбенең 7 сыйныф укучысы Закирова Ләйлә Вахит кызы "Скажем - коррупции нет!" район конкурсында сочинение - эссе язып 3 урынны яулады. Ул грамота белән бүләкләнде. Без аны котлыйбыз һәм уңышлар телибез.

25 нче октябрь көнне Акбүре мәктәбендә "Парламент дәресе-2012" үткәрелде. Аны тарих укытучысы Вәлиуллин Вәсил Вәлиҗан улы үткәрде. Ул укучыларга  "Гражданинның бурычлары һәм хокуклары" турында әңгәмә үздырды..

12 нче октябрьдә Акбүре мәктәбендә башлангыч сыйныф укытучыларының методик берләшмә җитәкчеләренең район семинары булып узды. Кунакларыбыз  мәктәп музее белән, 1 нче сыйныф җитәкчесе Вәлиуллина Гөлия Таһир кызы ФГОС буенча чыгышын тыңладылар. Башлангыч сыйныф укытучылары методисты Төхфәтуллина Л.Р.  эшләнгән һәм эшлисе эшләргә анализ ясады.

                                                                                                                          Укытучым!

Синдәдер ул йөрәкләрнең иң олысы,
Синдәдер ул йөрәкләрнең иң җылысы,
Һәркөн сиңа ничә сабый карап тора
Алар сине әниседәй якын күрә.
Еласалар, син аларны юатасың,
Боексалар, син аларны уйнатасың,
Сөйләшәсең күңелләрен аңлап кына,
Орышасың кайчагында җайлап кына.

                                                                                                                       Укытучым!

Кирәк чакта җитез дә син, тапкыр да син,
Кирәк чакта батыр да син, сабыр да син,
Бик җаваплы, авыр синең хезмәтеңдә,
Тиешенчә күрсәң иде хөрмәтендә.

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.

  Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен  татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.

          Бүген сезгә сәлам юллыйбыз без,

           Сәлам сезгә безнең буыннан!

           Бар дөньяны бүләк итәр идем

           Әгәр килсә минем кулымнан!

            Үтә гомер аккан сулар кебек

             Ә күңел һич туймый яшьлектән.

             Йөзләрегез инде картайса да,

             Ник күңелләр болай яшь икән?

Мәктәптә укучыларның сәламәтлекләрен кайгыртып төрле физик чаралар үткәрелә: динамик паузалар, иртәнге гимнастикалар, һавада йөрүләр,физкультминуткалар, яссытабанлылыкны кисәтү буенча тренажерларда йөрү. Барлык чаралар да балаларның яшь үзенчәлекләрен истә тотып системалы һәм планлы рәвештә алып барыла.

Казанда Кәрим Тинчурин исемендәге Татар дәүләт драма һәм комедия театрында Татарстан халык артисты Хәлил Мәхмүтов белән хушлашу кичәсе узды. Анда күренекле татар зыялылары, иҗат һәм мәдәният әһелләре катнашты.

Татарстан президенты, Дәүләт шурасы һәм хөкүмәте исеменнән кайгы уртаклашу һәм бәхилләшү сүзе белән Татарстан парламенты рәисе урынбасары Римма Ратникова чыкты.

Кичә иртәнге 5тә фани дөньядан бакыйга киткән Хәлил Зәки улы Мәхмүтов җәсәде бүген Казанның татар зиратына җирләнде.