Күптән түгел мәктәбебезнең  4 нче В,Г сыйныфы укучылары (татар төркемнәре) белән үзәкләштерелгән китапханәләр системасының 37нче шәһәр  балалар китапханәсендә "Китап- гомер юлдашым" дип исемләнгән эчтәлекле очрашу кичәсе үткәрелде. Укучылар Түбән Кама шәһәрендә яшәп иҗат итүче язучы Нурзия Мирхазова һәмшагыйрә Гөләндәм Галиеваның иҗаты белән таныштылар.Н. Мирхазова “Гөлбакча” дигән балалар өчен хикәяләр китабы белән таныштырды. Айзилә турында хикәяләр укучыларны табигать мәктәбенә дәшә. Ул аларны ни дә булса уйлап табарга, хәтта иҗат итәргә этәрә. Г. Галиеваның балалар күңеленә үтеп керерлек кызыклы шигырьләре укучыларда зур кызыксыну уятты. Китапларның заманча бизәлеше балаларның күңеленә хуш килде.Г. Галиева укучыларны шигырь язу серләренә төшендерде. Ул аларда шигырь язу теләге уятты. Мәктәбебез укучылары үзләре дә  Г. Галиеваның күп кенә шигырьләрен  сәнгатьле итеп яттан сөйләделәр.  Н. Мирхазова язган хикәядән өзек күрсәттеләр. Китапханә хезмәткәрләре укучыларыбызга зур рәхмәтләрен җиткерделәр. Очрашу укучыларыбызда тирән эз калдырды.