Туган тел декадасы уңаеннан мәктәбебезнең  3В,Г сыйныфы укучылары (татар төркемнәре)белән үзәкләштерелгән китапханәләр системасының 37нче шәһәр  балалар китапханәсендә «Туган телең булу-горурлык” дип исемләнгән әдәби - музыкаль кичә үткәрелде. Укучылар  туган телебез турында күп кенә шигырьләрне  сәнгатьле итеп яттан сөйләделәр,туган телебезгә багышланган җырлар башкардылар. Юсупов Булат “Туган тел” көен курайда уйнап күпләрне таң калдырды. Ә Газизова Лилиянең зәвык белән башкарылган татар биюе барысының да күңеленә хуш килде. Башкаручыларның татар киеменнән булулары кичәбезне тагын да ямьләндереп, җанландырып җибәрде. Бу чара  укучыларда туган телебезгә мәхәббәт тәрбияләде, матур әдәбиятка җылы хисләр уятты.

 Соңыннан китапханәчеләр белән җанлы әңгәмә үткәрелде. Укучылар төрле сорауларга җаваплар тыңладылар. Китапханә хезмәткәрләре укучыларыбызга зур рәхмәтләрен җиткерделәр.