29 нчы мәктәпнең 2 нче Б сыйныфында татар теленнән “Уйный-уйный укыйбыз. Татар алфавиты” темасы буенча ачык дәрес үтте. Балалар дәрес барышында табышмакларга җавап таптылар. Г.Тукай әсәрләре буенча куелган мультфильм өзекләрен карап әсәрнең исемен, төп геройларын атадылар. Татар алфавитын кабатлап геройларны, әсәр исемнәрен алфавит тәртибендә яздылар. Дәреснең һәр этабында җөмләләр төзеделәр. Кызыксындырган сораулар биреп, аларга җавапны бергәләп эзләделәр. Бу төр эштә укучыларга карточкалар ярдәмгә килде. Дәрес ахырында укучылар күңел халәтен белдергән, үзләренә ошаган кояшны сайлап алдылар. Өйгә бирелгән эш тә кызыклы. Бирелгән төсләрне сайлап “ Кызыклы шәкерт“ шигыренә ясалган иллюстрацияне буярга. Дәрес бик кызыклы булды, бер сулышта үтте. Рус мәктәбендә укучы татар балалары өчен уен-дәрес бик отышлы.