«Татарча диктант яз!» белем тикшерү акциясе «2014–2020 елларда Татарстан Республикасы дәүләт телләре һәм Татарстан Республикасындагы башка телләрне саклау, өйрәнү һәм үстерү» дәүләт программасын гамәлгә ашыру кысаларында уздырыла башлады. Быел бу акция сигезенче тапкыр уздырыла. Татарча диктант язуның максаты: татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту, татар теле белгечләрен һәм туган тел (татар теле) укытучыларын тагын да популярлаштыру.

     13 нче октябрь көнне 13:00 сәгатьтә  мәктәбебездә “Татарча диктант – 2023” белем тикшерү акциясе үткәрелде.   Әлеге чарада укытучылар, әтиләр советы вәкилләре, укучылар үз белемнәрен сынап карадылар.

     Диктант нәтиҗәләре Акция уздырылганнан соң 30 көннән дә соңламый сайтка урнаштырыла. Аларны бланктагы код сүзе һәм исем-фамилия буенча белеп булачак.