“Үткәнен белмәгән халыкның киләчәге юк”, - дигән гыйбарә бар. Безнең 29 нчы мәктәптә урнашкан музеебыз бу фикерне тормышка ашыручы мәдәният учагы булып тора. Һәр тарихи экспонатта, архив документларда, милли чыганакларда ата-бабаларыбызның күңел җылысы, аларның рухы, изге хатирәләре саклана.

    Музеебыз җитәкчесе Габбасова Раушания Хаммат кызы укучыларны елмаеп каршы ала, аларның яшь үзенчәлекләренә туры килгән кызыклы, бай эчтәлекле тарихи сәяхәтләр оештыра, әйтерсең лә, һәр экспонатка “җан өрә”. Сәяхәт укучыларыбызны тарихи үткәнебезгә алып кайта, алар музейдан  канатланып, рухланып чыгалар. Укучылар тарих белән кызыксына икән, димәк, халкыбызның киләчәге өметле!