15 нче февраль -  халкыбызның бөек  улы, герой-шагыйрь Муса Җәлилнең туган көне. Шул уңайдан татар теле һәм әдәбияты дәресләрендә әдипнең иҗатына багышланган интеллектуаль уеннар, иҗади бәйгеләр һәм викториналар үткәрелде. Укучылар бу чараларда теләп катнаштылар, үз белемнәрен күрсәттеләр. 7 нче б сыйныфы укучылары (җитәкчеләре: Габдуллина Р.С., Якупова В.Б.)  Муса Җәлилнең һәйкәле янында оештырылган искә алу митингында һәм “Кызыл ромашка” әсәре буенча куелган  флешмобта  катнаштылар. Бу истәлекле мизгелләр укучылар күңелендә озак сакланыр дип ышанабыз! 

15 нче февраль -  халкыбызның каһарман  улы, герой-шагыйрь Муса Җәлилнең туган көне. Шул уңайдан 9 нчы д сыйныфында (укытучы: Чевачина Р.В.) “Батырларның исеме мәңгелек” дип  исемләнгән батырлык дәресе үткәрелде. Укучылар Муса Җәлил һәм аның көрәштәшләре турында презентацион материаллар белән таныштылар, герой-шагыйрьнең “Моабит дәфтәрләре”ннән өзекләр укыдылар.  Укучылар дәрестә теләп катнаштылар, үз белемнәрен күрсәттеләр.

Татар халык авыз иҗатына нигезләнеп үткәрелгән чаралар укучыларда  әдәплелек, әхлаклылык, ярдәмчел булу сыйфатларын тәрбияли,  милли мирасыбызга карата мәхәббәт уята.

     Шул максаттан чыгып, 15 нче февраль көнне 1 нче б сыйныфы  укучылары белән (җитәкчеләре: Шәрәфиева Ф.М.) "Татар халык авыз иҗаты" дип исемләнгән чара үткәрелде. Халкыбызның милли гореф-гадәтләренә, халык  җырларына багышланган бу бәйрәмдә ата-аналар үз балаларының шөгыльләрен  күреп сокландылар. Укучылар килгән кунакларга “Йөзек салыш”, “Түбәтәй” уеннарын тәкъдим иттеләр,  табышмакларга җаваплар таптылар, күмәк җырлар башкардылар.

     Әти-әниләр чарадан бик канәгать калдылар, Фирая Минтимер кызына чын күңелдән рәхмәтләрен белдерделәр,  “Киләчәктә дә шундый бай эчтәлекле бәйрәмнәр күбрәк үткәрелсен иде!” - дигән теләкләрен җиткерделәр.

     Бүген, 16 нчы февраль көнне,  2 нче 3 сыйныфында (җитәкчеләре: Шәйхетдинова Г.Х., Рәхмәтуллина М.Х. ) “Татар халык ашлары” дигән темага ачык чара үткәрелде. Укучыларның татар халык ашлары турындагы белемнәрен  ныгыту, сөйләмдә куллана белү, логик фикерләү сәләтен, иҗади активлыкларын үстерү, татар милли ризыкларына кызыксыну уяту максатларын үз эченә алган бу чара югары дәрәҗәдә узды. Укучылар дәрескә әниләре белән бергәләп  пешереп алып килгән өчпочмак, бәлеш, урама, чәк-чәк, бавырсакларны әти-әниләре алдында матур итеп тәкъдим иттеләр. Баларның  проект яклаулары  курайчылар чыгышы, матур биюләр, шигырләр һәм күңелле җырлар белән үрелеп барды. Бу күңелле һәм мавыктыргыч чараны әзерләгән укытучыларга, әти-әниләргә зур рәхмәтебезне белдерәбез, киләчәктә дә шундый бәйрәмнәр дәвамлы булсын иде дигән теләктә калабыз! 

Масленица – самый радостный праздник в предвкушении наступающей весны. Празднование масленицы - это не только хороший повод  повеселиться, но и возможность  вспомнить народные праздники. 16 февраля в 1 в классе (классный руководитель: Валеева С.С.) прошел праздник Масленицы.  Через народные песни, юмор и шутку, игры,  ребята напомнили о самом важном и близком каждому – добрых семейных отношениях, почитании старших, любви и заботы о детях. На празднике активно участвовали родители учащихся.  Праздник закончился дружным поеданием вкусных  блинов. Думаем, праздник надолго останется в памяти детей!

14 нче февраль көнне татар теле һәм әдәбияты укытучылары Габдуллина Раушания Сәлим кызы, Якупова Венера Бәдертдин кызы җитәкчелегендә  8 нче б һәм 8 нче ж сыйныфы укучылары арасында «Сүзебез туган тел турында» дип исемләнгән КВН үткәрелде. Әлеге чарада “Болгар” һәм “Идел” командалары көч сынашты. Туган тел көн уңаеннан укучылар ребуслар, кроссвордлар һәм башваткычлар чиштеләр, бергәләп табышмакларга җаваплар эзләделәр.

    Бу чарада укучылар бик теләп катнаштылар, чараның җиңүчесе дип ДУСЛЫК табылды!

Взвод нашей школы занял второе место в смотре строя и песни! Ахунов Айдар признан лучшим командировм взвода! Ибушев Александр - лучший знаток истории! Так держать!

Поздравляем Тюменцева Михаила с призовым местом в республиканской олимпиаде по экологии!

10 февраля педагоги и учащиеся нашей школы приянли участие в "Лыжне России - 2018".

     Шәһәр күләмендә үткәрелгән «Ел укытучысы - 2018” бәйгесендә лаеклы 3 нче урынны яулаган татар теле укытучысы Галиева Энҗе Илхам кызын һәм башлангыч сыйныф укытучысы Галимова Алия Альберт кызын зур уңышка ирешүләре белән тәбриклибез. Искиткеч тырышлык һәм көч таләп итүче хезмәтегезгә чын ихластан бирелгән булуыгыз, сабырлыгыгыз, эш сөючәнлегегез күңелләрдә ихтирам хисе уята. Киләчәктә дә куелган максатларыгызга ирешегез, яңадан-яңа иҗади үрләр яулагыз!