Апрель җитсә, бөтен дөнья милләтебезнең кояшы булган бөек татар шагыйребез Габдулла Тукайның туган көнен билгеләп үтә, иҗатына багышланган чаралар үткәрә. Әйтерсең Тургай да бу көнне Тукай исемен кушып җырлый кебек! Быел да без мәктәбебездә яраткан шагыйребезнең туган көнен зур итеп үткәрдек. Бәйрәмдә беренче, икенче, өченче, дүртенче, бишенче сыйныфлар актив катнашты. Алар илhамланып татар hәм рус телендә Габдулла Тукайның шигырьләрен сөйләделәр, чын артистлар кебек әдипнең Шүрәлесен дә, Акбаен да, Су анасын да, Күбәләген дә сәхнәләштерделәр. Аның сүзләренә иҗат язылган җырларны да җырладылар. Шунысы куанычлы: шагыйребезнең иҗаты белән татар балалары гына түгел, ә башка милләт балалары да кызыксына, алар да чара ахырында татар халкының гимнына әверелгән “Туган тел” җырын искиткеч зур осталык белән башкардылар. Гомумән, бәйрәм күңелле атмосферада үтте. Килгән кунакларга, укытучыларга, укучыларга бәйрәм бик ошады.