16нчы апрельдә, 10нчы гомуми урта белем бирү мәктәбендә "Сугыш арты чоры балалары" проекты вәкилләре, Түбән Каманың "Кама таңнары" язучылар һәм шагыйрьләр берләшмәсе әгъзалары Шәймурзин Мирзанур Мирзагыйт улы һәм Шәехова Роза Зәки кызы белән бик эчтәлекле очрашу үткәрелде. Бу очрашуда 7-8 нче сыйныф укучылары катнашты. Кунаклар үзләренең балачакта башларыннан үткән төрле хәлләр турында бик кызыклы итеп сөйләделәр, үзләренең иҗатлары белән дә таныштырдылар, балаларга  шигырьләрен  укыдылар. Бу очрашу укучыларның да, укытучыларның да күңелләрендә бик җылы хисләр  уятты. Мирзанур абый белән Роза апага  иҗатларында уңышлар, исәнлек-саулык телибез. Тагын мәктәбебездә көтеп калабыз.