Бүген, 26 нчы апрель көнне, бөтен татар дөньясы бөек шагыйребез Габдулла Тукай тууының 137 еллыгын билгеләп үтте. Шәһәребезнең иң күркәм урыннарының берсе - Тукай паркы - бүген гөрләп торды. Мавыктыргыч мастер-класслар, Тукаебыз иҗатына иллюстрацияләр күргәзмәсе, шагыйребез әсәрләрен сәхнәләштерү, күңелле флеш-моблар, "Яттан сөйлә Тукай шигырьләрен, шушы булыр иң зур бүләгең..." шигырь бәйгесенең җиңүчеләрен бүләкләү һәм башка күңелле чаралар белән берлектә мәктәбебез укучыларының чыгышлары бәйрәмнең бизәге булып торды. Тамашачылар игътибарына ТР Балалар үрнәк коллективы "Тамчылар" хореография ансамбле куелышында Печән базары күренеше тәкьдим ителде. Укучылар чыгышы дәртле биюләр белән үрелеп барды. Күңелгә үтеп керерлек күренеш тамашачылар күңеленә хуш килде.
Шигърият бәйрәмендә шулай ук "Музыка сәнгате" бүлегенең укучылары халкыбызның гимнына әверелгән "Туган тел" җырын башкарды. Әлеге чарага укучылар зур җаваплылык белән карады. Иң мөһиме - тамашачы күңелен күрү укучыларга бик ошады. Киләсе елларда да мәктәбебез укучылары зур тәрбияви әһәмияткә ия булган чараларның берсе - шигърият бәйрәмендә катнашыр дигән өметтә калабыз! Печән базары күренешен куючы хезмәткәрләр:
Сабирова Г.М., Хафизова Г.Р. - директор урынбасарлары;
Хәлиуллина Э.М., Мадьярова Э.М. - ТР Балалар үрнәк коллективы "Тамчылар" хореография ансамбле җитәкчеләре;
Зиннәтуллина С.В. - "Театр сәнгате" бүлеге укытучысы.
"Туган тел" җырын башкаручы укучыларны бәйрәмгә
"Музыка сәнгате" бүлеге укытучысы Гатауллина Р.М. әзерләде. Чарага әзерлек барлык коллектив хезмәткәрләре белән алып барылды.
Костюмнарны барлау: Садыйкова Р.Р.
Реквизитларны әзерләү: Зиннәтуллина С.В., Исхакова Н.Г., Фазлыева А.М., Ситдыйкова А.М., Фәсхетдинова А.С., Галәветдинова Л.М., Гайнуллин И.И.