Сегодня мы расскажем вам историю молодого специалиста - Хайбуллиной Фариды Фанисовны.
Интересно, почему она стала учителем?
Тогда скорее читай!

Мин яшь укытучы... Педагогик стажымны 2021нче елда башлап җибәрдем. 2022нче елда язмыш мине Түбән Кама шәһәренең яңа гына ачылган 38нче лицеена китерде. Яшь белгеч буларак, минем өчен әле бар да яңа: яңа бина, яңа җитәкчеләр, яңа коллектив. Беренче вакытта зур шәһәр мәктәбендәге эш минем өчен кызыклы да, мавыктыргыч та, шул ук вакытта авыр да булды.

Минем бәхетемә, юлыма тәҗрибәле, эшләрен белеп башкара торган, кешелекле, һәрвакыт ярдәмгә әзер булган лицейның татар теле укытучылары очрады. Алар, нәрсә сорап килсәм дә, һәрвакыт ярдәм иттеләр, киңәшләрен бирделәр, авыр чакта һәрдаим булышып тордылар. Минем аларга карата рәхмәтем бик зур. Шундый коллективка кереп эләгүем белән мин үземне бик бәхетле хис итәм. Дөрестән дә, яшь белгечләр өчен ярдәм кулын сузучы остазларның булуы - зур бәхет. Аларның һәрберсе остаз дигән исемгә лаек дип уйлыйм мин. Барлык коллегаларыма да киләсе уку елында исәнлек-саулык, бетмәс-төкәнмәс энергия чыганагы, яхшы, тәрбияле укучылар, рәхимле ата-аналар телим.
Сез - чын укытучылар!