“Без – Тукайлы халык мәңгегә!” дип горурлык белән яңгыраган шигырьләрен дөньяның төрле кыйтгаларына сибелгән милләттәшләребез ишетсә, бу канатлы сүзләрне җаннарына калкан итеп алса, ул сүзләр җаннарда милли горурлык хисләре уята алса, димәк, бу – шагыйрьнең бәхете!

Бүген Г. Тукай исемендәге үзәк китапханәдә Татарстан Язучылар берлеге әгъзасы, Саҗидә Сөләйманова, Абдулла Алиш исемендәге премия лауреаты, Татарстанның атказанган сәнгать эшлеклесе, шагыйрә Эльмира Шәрифуллина белән “Уйлый күңелем төрлесен...” дип исемләнгән очрашу кичәсе булып узды.

Чара вакытында гаиләдә ата-ана хакы, өлкәннәр хакы кыйммәтләрен, туган телеңне, гореф-гадәтләрне, йолаларны белмәү проблемаларын, кеше язмышын яктырткан шигырьләр укылды, җырлар җырланды.

Китап сөюче кунакларның күңелендә бу җылы очрашу тирән хисләр уятты.