6 декабря в лицее №38 состоялась интересная встреча с учредителем штаба татар Москвы Ямалеевым Рустамом Фаизовичем.

Наш гость рассказал о работающем в Москве «Татарском штабе». Люди в штабе работают над защитой и сохранением родного языка.

6 декабрь көнне 38-нче лицейда Мәскәүдә татарлар штабы оештыручысы Ямалеев Рөстәм Фаиз улы белән бик кызыклы очрашу узды.

Кунагыбыз Мәскәүдә эшләп килүче “Татар штабы” турында сөйләде. Анда эшләуче кешеләр туган телне яклау һәм саклау өстендә эш алып баралар.

Татар теле - безнең туган телебез.Ул - зур тарихлы, иң бай һәм камил телләрнең берсе. Бу телдә миллионлаган татар халкы үзара аңлаша, аралаша ала, үзенең тарихын өйрәнә, төрле фәннәрне үзләштерә, мәдәни байлыгы белән таныша, үз эшендә алардан иҗади файдалана ала. Телнең сафлыгын, табигыйлеген, чисталыгын саклап сөйләү-һәркемнең намус эше.

Рөстәм Фаиз улы безнең укучыларга телгә карата мәхәббәтне сабый чактан ук тәрбияләргә кирәклеген аңлатты, киңәшләр бирде. Үз телеңне белмәү караңгыда бару белән бер.
Очрашу азагында кунагыбыз укучыларга уйланыр өчен бик хикмәтле әкият тә сөйләп бирде. Һәр укучы күңелендә бу әкият кечкенә генә башлам булыр дип өметләнәбез.

Рөстәм Фаиз улы, олы сүзегез, бүләкләрегез өчен зур рәхмәт белдерәбез! Алдагы юлыгызда зур уңышларга ирешергә язсын!