19 нчы февраль көнне физкультура укытучысы Сулейманов Р.Р.  мәктәптә "Ягез әле, егетләр!" кичәсе үткәрде. Кичәдә 7 - 11 нче сыйныф укучылары катнашты.  Укучылар үзләрен спортның төрле өлкәләрендә сынап карадылар.  Бәйрәмгә әтиләр дә килде. Кичә күңелле узды. Мәктәп дирекциясе катнашучы командаларга тортлар бүләк итте.

Бүген бездә зур бәйрәм - "Әлифба" бәйрәме булды.1 нче сыйныф (укытучылары Атласова А.Д.) укучылары әлифба белән хушлашты. Балалар төрле авырлыктагы сорауларга җавап бирделәр, кызыклы мәсьәләләр чиштеләр, җырлар башкардылар, уйнадылар. Бәйрәмгә килгән әниләр һәм балалар арасында ярыш та оештырылды. Укучыларны котларга "Әлифба", "Математика", "Туган тел" дә килгән. Әниләр балаларына изге теләкләр әйтеп, уңган юллар теләп, бүләкләр тапшырдылар. Мәктәп директоры Сулейманова Л.И. котлап, кызыклы китаплар таратты.

10 нчы сыйныф укучысы Ризванова Энҗе татар әдәбиятынанн үткәрелгән фән олимпиадасының  республика турында катнашып призлы урынга лаек булды. 

Энҗене һәм татар теле һәм әдәбияты укытучысы Гарипова Лилия Рәүф кызын котлыйбыз. Аларга иҗади уңышлар телибез.

Хәрби - патриотик айлыкның иң күңелле вакыты - "Аҗаган" уены. 5-11 нче сыйныф укучылары "Яшелләр" һәм "Кызыллар" командасына бүленде. Башлангыч сыйныф укучылары җанатарлар булдылар. Командалар төрле хәрби-сугышчан биремнәр үтәделәр, эстафеталарда катнаштылар. Соңыннан урамда пешерелгән плау ашадылар, кайнар чәй эчтеләр.

Безнең мәктәп укучылары Каенлы мәдәният йортында үткәрелгән чараларда да бик актив. Мәдәният хезмәткәрләре оештырган "Күңелле оимпиада"  исемле чарада балалар белән бергә әниләр дә катнашты. Ул "СОЧИ - 2014" үткәрелгән олимпиадага багышланган иде. "Ак"  һәм "Кызыл" командалар үзләрен төрле спорт төрләрендә сынап карадылар: шарга кеше ясау, спорт төрләрен тану, шар ату һ.б. Балаларда бәйрәмнән бары тик матур, җылы тәэсирләр генә калды.

     Мәктәптә "Гашыйклар көне"нең истә калган вакыйгасы валентинка бирү һәм кабул итеп алудыр, мөгаен. Әле ахырдан аларны санаулар, кемдә күбрәк, кайсылары матуррак икәнен ачыклаулар, күпкә шатланып, азга көенеп йөрүләр кемнең генә башыннан үтми икән?

     Бездә традиция буенча “Мәхәббәт почтасы” эшли. Аны инглиз теле укытучысы Сәхәбиева Илсөя Мәхмүт кызы оештыра. Почта тартмасына валентинкалар берничә көн алдан җыела һәм 14 февраль көнне хат ташучылар билгеләп, балаларга таратыла. Аны укучылар яратып, көтеп ала. Бу матур мизгелләр алга таба укуга, эшкә көч бирә. Бер - береңә хөрмәт күрсәтү, җылы сүз әйтү беркайчан да артык булмый. "Җылы сүз - җан азыгы" - ди халык мәкале.

В школе прошел смотр строя и песни, посвященный Дню защитника Отечества. Победители и участники награждены грамотами.

1 место - 10 класс, 4 класс

2 место - 11 класс, 3 класс

3 место -  5 класс, 2 класс.