20 нче февраль көнне Татар теле һәм әдәбияты, Туган телләр декадасына йомгак ясалды.   Татар теле һәм әдәбияты укытучылары “ФДББС      шартларында  милли  мәгариф һәм тәрбияне гамәлгә ашыру” темасы буенча “түгәрәк өстәл” артында тәҗрибә уртаклашты.    Милли мәгариф буенча директор урынбасары Г.Ш. Гәрәева тарафыннан  декада барышында үткәрелгән ачык дәресләргә, тәрбияви чараларга анализ ясалды, алга таба эш юнәлешләре билгеләнде

Уважаемые коллеги !

 Наступает долгожданная Весна – пора любви, пора творения!

     К приходу прекрасного времени года мы приготовили для Вас множество занимательных конкурсов.

Декада дәвамында  Н.М. Галиуллина һәм Р.Ш. Туктарова  башлангыч сыйныф укучылары өчен тәнәфестә татарча   җырлы-биюле  уеннар оештырдылар. Укучылар “Капкалы”, “Чума үрдәк, чума каз”, “Сигезле” һ.б. милли уеннарның тәртибен өйрәнде һәм яратып уйнад

8 нче сыйныф укучысы Салахова Алисә Фәнис кызы инде икенче ел рәттән "Шәҗәрә - истәлекләрдә" исеме астында үткәрелә торган төбәкара фәнни - гамәли конференцияләрдә катнашып, зур уңышларга ирешә. Быел да Алисәнең эшенә югары бәя биреп, аңа күп кенә истәлекле бүләкләр тапшырдылар. "Бу шөгыль миңа бик ошый, һәркем үзенең нәсел - нәсебен, әби - бабаларының нинди кешеләр булганлыгын белергә тиеш дип саныйм мин," -ди ул. Алга таба да уңышлар юлдаш булсын сиңа, Алисә!

      6 нчы а сыйныфының  рус төркемендә    һәм        адаптив программа буенча     3-4 в  сыйныфында  укучылар бергәләп  Халыкара туган телләр көненә, М. Җәлил, Г. Тукайның юбилейларына  багышланган күмәк чара үткәрделәр. Аны татар теле һәм әдәбияты укытучысы, психолог  Ф.Ә. Сибгатуллина әзерләде. Кичә әдәби-тарихи экскурсия формасында оештырылган  һәм укучыларга иҗади фикерләү сәләтен, сәнгатьле уку күнекмәләрен каилләштерүче, шагыйрьләрнең иҗаты белән кызыксыну тәрбияләүче, күп өстәмә мәгълүмат  тупланган  биремнәр әзерләнгән иде.  Ф.Ә. Сибгатуллина әлеге тәрбияви чара   кысаларында адаптив программа белән шөгыльләнүче  балалар белән эш тәҗрибәсе белән дә уртаклашты

    Татар теле һәм әдәбияты укытучысы Л.Ә. Сәгыйрова 6 нчы а сыйныфының рус төркемендә “Сашаның дуслары”  темасына ачык дәрес күрсәтте. Укучылар дәрестә бик актив катнашты: дуслык турында татар халык мәкальләрен яхшы белүләрен, проблемалы сорауларга үз фикерләрен әйтә  һәм, иң мөһиме, аралаша белүләрен,  татар   телен үзләштереп баруларын  күрсәтте. Укытучы тарафыннан укучыларны сөйләмгә чыгару өчен бик күп эшләнә, нәтиҗәле эш алымнары кулланыла

В рамках декады татарского языка и литературы, совместно с библиотекарями детской поселковой библиотеки, 17 февраля среди 5 классов прошел час – портрет, посвященный творчеству татарского писателя Туфана Минуллина

Мәгълүм булганча, быел татар театрының 110 еллыгы билгеләп үтелә. Шул уңайдан, мәктәбебез китапханәсендә китап күргәзмәсе оештырылды. Китапханәче Иванова И.А. кызыксынган укучыларны күргәзмә  һәм  татар театры тарихы белән таныштырды

    5 нче б сыйныфының рус төркемендә татар теле һәм әдәбияты укытучысы Н.Р. Сәрвәрова җитәкчелегендә  Халыкара туган телләр көненә багышланган “Зирәкләр һәм тапкырлар” бәйгесе үткәрелде.   “Иң татлы тел - туган тел” дип исемләнгән бу бәйге-кичәдә укучылар, ике командага бүленеп, татар телен ни дәрәҗәдә белүләре буенча көч сынашты. Биремнәр мавыктыргыч һәм төрле формада әзерләнгән: укучылар туган тел турында сәнгатьле итеп шигырьләр сөйләде; Татарстан һәм татар халкының милли бәйрәмнәре, ашлары,  тарихы турында викторина сорауларына җавап бирде; әдәби әсәрдән алынган өзекләрнең авторларын искә төшерде, мәкаль-әйтем, табышмакларны яхшы белүләрен исбатлады һ.б. кызыклы, иҗади биремнәр үтәде. Соңыннан җиңүчеләр билгеләнде, нәтиҗәләр ясалды