9 нчы гыйнвар көнне шәһәребез күләмендә “Мин татарча сөйләшәм”   акциясе кысаларында   әкиятләрне сәхнәләштерү бәйгесе уздырылды. Безнең укучылар да бу акциягә теләп кушылдылар һәм Р.Корбанның “Бәрәнне кем ашаган?” әкиятен сәхнәләштереп катнаштылар. Нәтиҗәдә,4 нче сыйныф укучылары сәхнәләштергән әкият шәһәркүләмендә 1 урынга лаек булды.

Кышкы каникулдан чыгып, бер атна укуга мәктәбебездә бәйрәмнәр дәвам итте. Планга кергән иң зур бәйрәмнәрнең берсе, ул- “Һөнәрләр иле-2014” бәйгесе иде. Беренче атналыкта укучылар, сценарийлар төзеделәр, сәхнә костюмнары әзерләделәр. Һәм 23 нче, 24 нче  гыйнвар көннәрендә  2-11 нче сыйныф укучыларын үз эченә алган “Һөнәрләр иле- 2014” бәйгесе узды. Бәйгедә иң кечкенә катнашучылар 2а сыйныфы укучылары булды. Алар монтаж формасында “Ветеринар” һөнәрен күрсәттеләр, шушы һөнәргә хас, яңа көйгә салынган җыр белән төгәлләделәр. 3а  сыйныфы- шәфкать туташы, 4а, 3б сыйныфлары- төрле һөнәрләр, 4б сыйныфы- чәчтараш һөнәрләрен күрсәттеләр. Һәр класс әзерлекле, презентацияләр белән тулыландырылган, сәхнә костюмнарыннан иделәр.

   21 январь көнне 52 нче мәктәптә татар әдәбияты күгендә балкып янучы, туган     шәһәребездә  яшәп иҗат итүче,  Татарстан язучылар берлеге һәм Татарстан журналистлар берлеге әгъзасы, прозаик, шагыйрь, тәрҗемәче, әдәбият галиме, публицист, филология фәннәре кандидаты, Гаяз Исхакый, Александр Грибоедов исемендәге әдәби премияләр лауреаты, Татарстанның атказанган мәдәният хезмәткәре, “Тәрҗемә Олимпы” һәм “Кояшлы иҗат өчен” халыкара бүләкләр иясе  “Көмеш кыңгырау”газетасының баш мөхәррире  Факил Миңнемөхәммәт улы Сафин иҗатына багышланган әдәби-музыкаль кичә оештырылды.

    Укучылар язучының иҗатын тирәнтен өйрәнергә теләп аның повесть, романнарын укыды,шигырьләрен яттан өйрәнде.Өлкән сыйныф укучылары  язучының “Гөлҗиһан” һәм  “Биек тауның башларында”романыннан өзекне сәхнәләштереп уйнаса,башлангыч сыйныфлар балалар өчен язылган шигырьләрен матур итеп яттан сөйләде.

    Язучы белән очрашу кичәсе кунагыбыз һәм укучылар күңелендә истә калырлык бәйрәм кичәсе булды.

Кичәне оештырды китапханәче Нурутдинова Илфания Камил кызы.

Министерство образования и науки Республики Татарстан  напоминает  о том,  что при низкой температуре воздуха отменяются учебные занятия

Хезмәт сөйгән төрле милләт халкын

Тәбриклибез Яңа ел белән!

Бу елда без бергә атлыйк, дуслар,

Гаделлеккә илткән юл белән,

Барыгызга сәламәтлек телибез,

Бәхет, шатлык, озын гомерләр,

Туры килсен безгә киләчәктә

Тормыш рәхәтләрен күрергә!

Күңелләрдә безнең артсын сафлык,

Тормыш юлларында гел шатлык.

 Җ әбер-золым юлын буып алып,

Дөньялыкта калсын гел хаклык.

Күңелләрдә булса юксынулар,

Әрнү—рәнҗү, сагыш газабы,

Барысы да алып кала күрсен

2013 ел азагы!

Еллар яңа, теләк шул ук

Йөзебездә балкып кала:

Илләр — имин, гөлләр исән

Торсын һәрчак бу дөньяда!

    21 нче декабрь көнне мәктәбебездә көрәшче Сибгатуллин Булат Фәнис улына багышланган 4нче ачык татар-башкорт көрәше уздырылды. Бәйгедә шәһәрнең 4 , 48 ,58, 2, 52, 29, 28,75нче мәктәпләреннән көрәшчеләр катнашты. Актаныш, Мамадыш, Әлмәт, Әгерҗе, Түбән Кама, Казан, Тукай, Минзәлә, Мөслим, Сарман районнарыннан килүче егетләр дә көч сынашты.

   Бәйге 1995-2002 нче елгы һәм аннан да яшьрәк көрәшче үсмерләрне үз эченә алды. Бәйгедә мәгариф идарәсе башлыгы урынбасары Нурмөхәммәтов Алмаз Рафиснур улы да катнашты. Көрәш бик күңелле узды, һәркем канәгать калды.Ярыш нәтиҗәләре түбәндәгечә:

1 урын - 52 нче мәктәп

2 урын - 2 гимназия

3 урын - 29 гимназия

 Яшь батырларга,көрәшчеләргә уңышлар телибез.

 18 нче декабрь көнне мәктәбебезнең мәҗлесләр залында “Татар малае-2014” бәйгесе уздырылды. Бәйгедә 5-8 нче сыйныф укучы- малайлары катнашты.Әлеге бәйгенең максаты:шәхес формалаштыруга юнәлтелгән тәрбия аша татар малайларында сәнгатькә,туган якка,гореф-гадәткә мәхәббәт ,иҗади үсешләрен булдыру.3 турдан торган бәйге үз эченә үзләре белән таныштыру,сәнгать,татар мәкальләрен белүне алды. Татар милли киемнәреннән килгән укучыларга һәркем көнләшеп карадылар. Җанатарлар һәм бәйгене карарга килгән әти-әниләр аларга көч биреп утырдылар. Бәйгенең җиңүчесе:

1 урын- Шәмсетдинов Илмир(5б)

2 урын-Ризванов Аяз(5б)

3 урын- Ибраһимов Булат(5а).

Малайларга сәламәтлек,көч,егәрлек телибез.

    Мәктәбебездә 9декабрь көнне “Ел укытучысы – 2014” бәйгесенең мәктәп туры уздырылды. 4 укытучы арасында ярыш оештырылды. Башлангыч сыйныф укытучысы: Мозафарова Дания Яхъя кызы, технология укытучысы Хамматуллина Дилүзә Годәер кызы, математика укытучысы Хәметханова Әнисә Мөхәмммәтҗан кызы, тарих укытучысы Юнысов Марат Марсель улы. “Мастер – класс”, “Ми чарлау”, “Педагогик ринг”, “Визит карточка сы” кебек бәйгеләрдә катнашып, үз осталыкларын күрсәттеләр. Бәйгедә 1 урынны Дания Яхъя кызы яулады.

    Бәйгедә катнашучыларны котлыйбыз. Аларга иҗади унышлар телибез!

   30 нчы ноябрь көнне, “Спорт – альтернатива пагубным привычкам” акциясе  нигезендә, “Сәламәтлек көне” һәм рәсем конкурсы үткәрелде. Сәламәтлек көнендә 2-11 нче сыйныф укучылары катнашты. Сыйныф җитәкчеләре тарафыннан инструктажлар, сыйныф сәгатьләре үткәрелде, ашханәдә витаминлы салатлар бирелде. Бәйрәм күңелле узды, 1 нче урынны яулаган: 2а, 4а, 6а, 7а, 9б, 10а сыйныфы командаларына тәрбия эшләре буенча директор урынбасары Сабирҗанова М.Р. тарафыннан грамоталар тапшырылды.

  21 ноября в начальных классах был проведен конкурс по математике в форме КВН. В проведении данного мероприятия все учителя начальных классов приняли активное участие  и смогли вовлечь в творческий процесс всех учащихся. Можно с уверенностью сказать, что состязание прошло в атмосфере творчества, сотрудничества, так как все ребята  продемонстрировать не только овладение программным материалом, но и умение применять свои знания при выполнении нестандартных заданий.