“Мин татарча сөйләшәм!” акциясе - татар телен популярлаштыруның иң үзенчәлекле һәм халыкта зур кызыксыну уяткан чараларының берсе.Бу  акция буенча эш безнең  мәктәптә  быел да киң колач җәеп үткәрелде. Һәр ел аны төрлечә үткәрергә,күбрәк укучыларны җәлеп итәргә тырышабыз.  Акция барышында, без 24нче мәктәп командасы урамнарга, кибетләргә, балалар бакчасына, китапханәләргә экскурсиягә барып, андагы балаларны да, эшчеләрне дә үз эшебезгә катнаштырып җибәрдек.Үзебез ясаган “Твои первые 150 слов на татарском” дип аталган һәм еш кулланыла торган сүзләр язылган (тәрҗемәсе белән) буклетлар тапшырылды. Әгәр дә без татарча сөйләшүне гамәлгә кертсәк, бу акциянең төп максаты тормышка ашар дип уйлыйбыз. Һәм менә быелгы акциядә бөтен Чаллы халкы гөрләп, рәхәтләнеп урамда да, эш урыннарында да, гаиләдә дә татарча сөйләшергә теләде. Безнең аңлавыбызча, бүгенге көндә әле татарча сөйләшүче буын бар икән, без туган телебезне саклап кала алачакбыз.

ВИДЕО-ОТЧЕТ