27 апрель көнне гимназиябездә педагогик хезмәткәрләрнең “Мирас вә заман” шәһәркүләм фәнни-гамәли конференциясе узды. Конференция Болгар дәүләтенең ислам динен 1100 ел тулуга багышланган иде.

Конференция барышында “Борынгы әдәбиятта гомумкешелек кыйммәтләре”;

 “Үзгәртеп кору елларыннан соң активлашкан гарәп-фарсы алынмаларының мәгънә үзенчәлекләр”;

 “Хәзерге татар әдәбиятында төп тенденцияләр”;

 “Чаллы язучылары иҗатында әдәп-әхлак мәсьәләләре”;

 “Чаллы төбәге язучылары иҗатында туган як мотивлары”;

 “Борынгы һәм урта гасыр әдәбиятын укыту үзенчәлекләре”.

Фәнни чыгышларны Әнвәр Мәгъдәнур улы  Шәрипов, филология фәннәре докторы, профессор, Татарстан язучылар берлеге әгъзасы ; Рәзинә Хәйбрахман кызы Мөхиярова, филология фәннәре кандидаты, доцент, Татарстан язучылар берлеге әгъзасы;

Илзирә Ильяс кызы Мөбәрәкшина, филология фәннәре кандидаты, Яр Чаллы дәүләт педагогика университетының рус һәм татар филологиясе кафедрасы доценты;

 Роза Галимулла кызы Хәмидуллина, Татарстан Республикасының атказанган мәдәният хезмәткәре, “Үзәкләштерелгән китапханәләр системасы”ның бүлек мөдире;

Зәлифә Габбас кызы Галиева, 29 нчы гимназиянең югары квалификацион категорияле туган (татар) тел һәм әдәбият укытучысы әзерләгәннәр иде.