13 ноябрь иртәсе безнең мәктәптә традиция буенча флаг күтәрү һәм РФ Гимнын башкарудан башланды."Мөһим нәрсә турында сөйләшүләр" дигән класс сәгате илебезнең технологик суверенитетына багышланган һәм "Россия-Киләчәккә караш"дип аталган.Класс сәгатендә балалар суверенитетның катлаулы һәм мөһим төшенчә икәнен белделәр.Шулай ук укучылар Россия казанышлары турында да белделәр.Дәрестә балалар Киләчәк һөнәрләр шәһәре буйлап виртуаль сәяхәт иттеләр, видеороликлар һәм презентация карадылар.Класс сәгате ахырында укучылар Россиянең киләчәге дә алардан тора дигән нәтиҗәгә килделәр.
 

 "Хокук белемнәре" айлыгы кысаларында кечкенәләр төркемендә тәрбияче Фәрхетдинова В.Г. "Минем хокукларым һәм бурычларым" темасына әңгәмә уткәрде.

Өлкән сыйныф укучылары белән “Хезмәт өчен түгел, дуслык өчен” дигән класстан тыш чара үткәрелде. Чараның төп максаты укучыларда коррупциягә каршы караш тәрбияләү һәм формалаштыру, намуслылык, җаваплылык тәрбияләү. Чара кысаларында китаплар күргәзмәсе, презентацияләр күрсәтелде. Балалар кеше тормышындагы дуслыкның роле турында сөйләделәр.

Тәрбиячелэр өлкән төркемнәрдәге  балалар белән «Хокук белемнәре» айлыгы кысаларында  әңгәмә уздырдылар. Әлеге  әңгәмәдә  хакимият органнары ,полициянең коррупциягә каршы көрәшүе эйтелде , балалар әлеге теманы  яхшырак күзалласын өчен , кайбер мисаллар китерелде .Ә балалар  үз чиратында ,закон тыңлаучан  гражданнар булырга вәгъдә иттеләр, коррупция  шаhитлары булырга туры килгән очракта, ышаныч телефонына  шалтыратырга  яисә  әти- әниләр аркылы  полициягә хәбәр  итәргә кирәклеге дә балаларга аңлатылды.
«Бергәләп коррупциягә каршы» видеоролигын карау балаларны тормышта булган кайбер гаделсез мизгелләргә битараф калдырмады.

Урта сыйныф укучылары алдында һәрвакыт бер мөһим сорау тора: "Кем булырга?" Аңа дөрес җавап  кешенең киләчәк язмышына тәэсир итә. Минзәлә авыл хуҗалыгы техникумы  вәкилләре В.П. Тумакаева һәм А. Ф. Шакирҗанова 8-9 сыйныф укучылары белән очраштылар.Бу очрашу барышында балаларга һөнәрләр һәм белгечлекләр,керү юнәлешләре һәм кагыйдәләре,стипендия системасы,чыгарылыш укучыларын эшкә урнаштыру турында җентекләп сөйләнде.Югары сыйныф укучылары үзләренең барлык сорауларына җавап алдылар   хэм очрашу ахырында  укучыларга мәгълүмати буклетлар тапшырылды .Шакирҗанова А. Ф.2024 елның апрелендә ,Ачык ишекләр көненә ,югары сыйныф укучыларын һәм аларның әти-әниләрен чакырды.

Көзге каникуллар мәктәптән бер атна ял итү генә! Шулай да, ул бала тормышында бик мөһим, шуңа күрә аны бай һәм файдалы  үткәрә белү кирәк .Укучыларыбыз көзге каникулларын кызыклы, ә иң мөһиме-файдалы  үткәрә!

Башлангыч сыйныф укытучыларының чираттагы методик берләшмә утырышы узды. Уку елының I чирегенә йомгак ясалды, киләчәккә эшләр билгеләнде.
 

Көзге каникул вакытында волонтер укучылар Мөслим картлар һәм инвалидлар интернат-йортында булдылар. Балалар өлкәннәр белән аралаштылар, бергәләп рәсем ясадылар, төрле уеннар уйнадылар. Мондый чаралар өлкән буын кешеләре һәм яшьләрнең үзара  аралашуына ярдәм итә. Балалар ярдәмгә мохтаҗ кешеләргә кайгыртучанлык күрсәтергә өйрәнәләр. Өлкән яшьтәгеләр белән үзара хезмәттәшлек аларны тормышның мәгънәсен аңларга, өлкән буынны хөрмәт итәргә кирәклеген тирәнтен аңларга ярдәм итә.

Мәктәптә укучыларга хезмәт тәрбиясе бирү балаларның төрле яклап үсешен тәэмин итә, үз көчләренә ышанырга, тормышта һәрвакыт кирәкле осталык һәм күнекмәләр формалаштырырга булыша, җаваплылык һәм мөстәкыйльлек тәрбияли. Шул максаттан 9 сыйныф кызлары һөнәри -хезмәткә укыту дәресләрендә таба тоткыч тектеләр ( прихватка) һәм аларны ашханә пешекчеләренә бүләк иттеләр.