Безнең"Ләйсән"балалар бакчасында лаеклы ялдагы хезмәт ветераннары белән очрашу узды.Очрашу җылы ,күңелле атмосферада үтте.Балалар ветераннарга матур котлаулар әзерләделәр.Бәйрәм күңелле сөйләшүләр,чәй эчү,бүләкләр белән тәмамланды.

Балалар белән бакчабызда үстерелгән чөгендер уңышын җыеп алдык.Балалар үз  көчләре белән үстерелгән яшелчәләрне бик шатланып җыйдылар.Балаларда табигатькә,яшелчәләргә сакчыл караш ,хезмәт сөючәнлек тәрбияләнде.яшелчәләр турындагы системалаштыру дәвам ителде.

Авылыбыз фельдшеры Насыйрова Рәмзия балаларның мантуларын тикшерде.Рәмзия апалары балаларга чисталык,шәхси гигена турында да аңлатты.

Бүген, әйләнә-тирәне өйрәнү шөгылендә, "Минем туган җирем"темасына әңгәмә үткәрелде.Балаларда Ватаныбызга,туган авылыбызга карата горурлык хисләре тәрбияләнде.Шөгыль азагында балалар авылыбыз композитры,җырчы Рөстәм Сәрваров башкаруында"Ташлыярым" җырын тыңладылар.

Үсемлекләргә сак караш тәрбияләү,хезмәткә кызыксыну уяту максатыннан балалар белән участокта үскән усемлекләрне күзәттек,җитешкән орлыкларын карадык,чагыштырдык.

Балаларга татар халкының кунакчыллыгы,гореф-гадәтләре турында әңгәмә үткәрелде. Балалар камырдан татар халкының милли ризыгы булган чәк-чәк ясарга өйрәнделәр

Балаларга Г.Тукайнын "Су анасы" әкиятенә нигезләнеп Валеева Азалиянен әнисе Лилия чәч үрү буенча мастер-класс күрсәтте.Балалар чәч үрү серләренә өйрәнделәр һәм мастер-класста бик теләп катнаштылар.

Проект"Балалар бакчасында әкият көне".Проект кысаларында,балаларГ.Тукай әкиятләрен укыдылар,"Шүрәле"әкиятенә атрибутлар ясадылар.Бүген балалар"Шүрәле"әкиятен сәхнәләштерде һәм үзләренә бирелгән рольләрне бик оста башкарып та чыктылар.

Бүгенге шөгыльдә яратып уйнаган "Тылсымлы сүзләр" уенын саф һавага чыккач та уйнап алдык.Балалар дус- тату уйнарга,игътибарлы булырга,җитез хәрәкәтләнергә,тылсымлы сүзләр әйтергә,туп белән уйнау күнекмәләренә өйрәнделәр.

Бүген илебездә зур бәйрәм-1 сентябрь-белем көне.1 сентябрь-Белем дөньясына яңа сәяхәт  башы.Без дә Белем көнен "Өйрәтәләр мәктәпләрдә" җыры белән башлап җибәрдек,  балалар  төрле уеннар уйнап күңел ачтылар,табышмакларга җавап бирделәр,өйрәнгән шигырьләрен сөйләделәр.Яңа уку елы зур уңышлар һәм шатлык алып килсен.