Бүген кояшлы җәйнең беренче көнендә,балачакның иң матур бәйрәме-Балаларны яклау көне.Балаларның киләчәге матур булсын өчен тыныч,имин тормыш,яраткан туган җир,гаилә җылысы,күңелле балачак кирәк.Шул уңайдан мәдәният хезмәткәрләре Галиева Фирая,Фатыхова Гүзәлия белән берлектә балалар өчен Сабантуй бәйрәме уздырылды.Балалар татар халкының милли бәйрәм уеннарында бик актив катнаштылар.Балаларга күңелле яллар,якты,матур киләчәк телибез.

Бүген,29 май көнне,безнең "Ләйсән"балалар бакчасында чыгарылыш кичәсе үтте.Андриянова Карина һәм Нуретдинов Раян балалар бакчасы белән хушлаштылар.Санаулы еллар эчендә алар үсеп,күп кенә һөнәрләргә өйрәнделәр.Алар җырлый,бии,нәфис сүз сөйли.Бүгенге бәйрәмдә дә берсеннән-берсе матур чыгышлары ,уеннары белән әти-әниләрен,килгән кунакларны сөендерделәр.Шатлыклы да,бераз моңсу мизгелләргә бай булды бәйрәм.

Саф һавада хәрәкәтчән уеннар һәм күңел ачулар балаларга шатлык китерә һәм сәламәтлеккә бәяләп бетергесез файда китерә.

19 май пионерлар көне.Пионер оешмасының данлы тарихы белән таныштыру,авылыбыз пионерлар үрнәгендә бөек эшләргә омтылыш тәрбияләү,туган төбәгебез тарихына кызыксыну уяту максатыннан,авыл музеенда чара оештырылды.Балаларга пионер оешмасы,формасы,галстугы,значогы турында музей җитәкчесе Галиева Фирая сөйләде.

15 май-Халыкара гаилә көне уңаеннан,безнең "Ләйсән" балалар бакчасында,мәдәният җитәкчесе Галиева Фирая  белән берлектә"Күңелле стартлар"бәйгесе үткәрелде.Әти-әниләр,балалар белән бергәләп төрле спорт ярышларында көч сынаштылар,гаилә символы булган ромашка чәчәген җыйдылар.Нәтиҗәсе-катнашучы һәр гаилә җиңүче булып танылды.Уеннарда катнашкан гаиләләргә зур рәхмәтләребезне җиткерәбез.Гаиләләр нык,бердәм,тигез булсын.

2026 елда бөтен Россия"Хәтер бакчасы" халыкара акциясе старт алды.Безнең "Ләйсән" балалар бакчасы мәдәният хезмәткәрләре белән  бу акциягә кушылды.Акциядә Бөек Ватан сугышы геройлары,махсус хәрби операциядә катнашучылар истәлегенә куаклар утыртылды.

13 май -тузганаклар көне.Балалар белән тузганак чәчәге турында әңгәмә үткәрдек,файдалы яклары турында сөйләштексаф һавада йөргәндә тузганак  чәчәген күзәтеп рәсем ясадык,тәкыя үрү серләренә өйрәндек.Тузганак көне язның чын бәйрәменә әйләнде.

Бүген,"Ләйсән"балалар бакчасында тәрбияләнүчеләр Бөек Җиңүнең81 еллыгы уңаеннан, мәдәният хезмәткәрләре белән берлектә үткәрелгән тантаналы митингта чыгыш ясадылар.Балалар Җиңү көненә багышланган шигырьләр сөйләделәр,җырлар башкардылар.Бу чара балаларда Бөек Ватан сугышында Җиңүнең мөхимлелеген,ветераннарга булган хөрмәтне һәм яшь буынны патриотик рухта тәрбияләүне максат итә.

Безгә җиңү бүләк иткән батырларыбызны хөрмәт итеп,Җиңү бәйрәме алдыннан,бакчабызның тәрәзәләрен бизәдек.Илебезгә тыныч уүк йөзе алып килгән һәркемгә чиксез рәхмәтләребезне җиткерәбез.

Бүген кисеп-ябыштыру шөгылендә балалар тынычлык символы булган-күгәрченнәр ясадылар.Илләребез тыныч,күкләребез  аяз булсын.