Бүген бөек шагыйрь Габдулла Тукайның тууына 140 ел тулу уңаеннан, безнең мәктәптә "Мин сөйләргә өйрәнәм" проекты кысаларында "Тукайлы яз" дип исемләнгән шигырь бәйрәме уздырылды.Әлеге чарада 1-5 нче сыйныф укучылары катнашты. Һәр бала үзенең күңеленә иң якын булган, Габдулла Тукайның иҗатындагы иң матур шигырьләрне сәнгатьле башкару осталыгын күрсәтте.
Бүген яңгыраган һәр шигырь, төрле яшьтәге, төрле сыйныфларда укучы балаларның җаны белән сугарылган иде. Аларның һәр сүзе, һәр интонациясе, һәр хәрәкәте бөек шагыйрьгә булган мәхәббәтне, аның шигырьләренә булган ихтирамны чагылдыра иде. Балалар Г.Тукайның шигырьләрен сөйләделәр.Конкурска 33 заявка кабул ителгән иде.
Бәйрәмнең иң матур өлеше – җиңүчеләрне бүләкләү булды. Жюри әгъзалары, һәр чыгышны игътибар белән тыңлап, бәяләп, иң сәләтле, иң оста башкарган укучыларны сайлап алды. 1,2,3 урынннар билгеләнде.Укучылар дипломнар,истәлекле бүләкләр алдылар. Бу бәйрәм безнең күңелләрдә озак сакланыр, ә Габдулла Тукайның исеме һәм аның моңлы шигырьләре мәңге яшәр.