Бүген, 20 апрель көнне, М. Сәлимҗанов исемендәге Актерлар йортында Габдулла Тукай исемендәге халыкара сәнгатьле сөйләм конкурсының беренче этабы үткәрелде. Бу зур бәйге бөтен республикадан һәм хәтта чит төбәкләрдән дә сәләтле яшьләрне берләштерде. Аның максаты – туган телнең гүзәллеген, байлыгын һәм моңын саклау, үстерү, шулай ук Габдулла Тукайның мәңгелек мирасын популярлаштыру. Әлеге конкурста безнең мәктәбебез данын яклап, 8 "б" сыйныфы укучысы Ислам Нуруллин катнашты. Ислам үзенчәлекле таланты, шигырьне аңлап, йөрәк түреннән чыккан матур итеп сөйләү сәләте белән жюри әгъзаларын да, тамамашачыларны да таң калдырды. Аның чыгышын һәр сүзне аерып, аһәңле итеп яңгырашлы итеп бирүе, образны ачу осталыгы югары бәяләнде. Бу этапны уңышлы үтеп, Ислам Нуруллин конкурсының икенче турына үтте.