Бүген лицей базасында район математика укытучылары һәм укучылар катнашында "Нестандартные методы решения задач ГИА по математике" темасы астында конференция үтте. Анда Тукай мәктәбеннән 4 укучы катнашып, бик матур чыгышлар ясалды һәм укучыларның эшләре уңай бәяләнде.
9а сыйныфы укучысы Багауова Ләйлә, практик - ориентир юнәлешендәге мәсьәләләрне чишүдә стандарт булмаган формулалар куллану методы белән уртаклашты. Комиссия членнары сорауларына төпле җавап бирүе, материалны ныклы белүе белән аерылып торды.
11 нче сыйныф укучысы Багауова Динә, база дәрәҗәсендәге имтихан мәсьәләләрен чишүнең, стандарт булмаган юлларын тәкъдим итте. Чыгышының тулы, үзенчәлекле булуы белән җәлеп итте.
8г сыйныфы кызлары Валиева Зарина һәм Сахабутдинова Милана күппочмакларның мәйданын исәпләүнең төрле ысулларын тасвирлап чыгыш ясадылар. Шушы чыгышлары аркылы, үзләренең кечкенә класслардан ук ТДИ га әзерлек дәрәҗәсенең югарылыгын исбатладылар.
Нәтиҗәләр дә куанычлы: Багауова Ләйлә -1нче, Багауова Динә - 2нче, Сахабутдинова Милана белән Валиева Зарина - 3нче урыннарга лаек булдылар. Укытучылары: Шигаепова С. З., Хазиева Э. П., Мухаметова Р. Д. Кызларны җиңүләре белән чын күңелдән котлыйбыз! Киләчәктә дә зур уңышлар юлдаш булуын, имтиханнарда югары нәтиҗәләргә ирешүләрен теләп калабыз!