10 март көнне татар язучысы Фоат Садриев үзенең 84 яшьлек юбилеен билгеләп үтә. Бу истәлекле көнгә 7 нче в сыйныфы укучылары өчен Үзәк китапханә хезмәткәрләре Ф. Садриев иҗаты  буенча " Кем миллионер булырга тели?" уенын тәкъдим иттеләр. Уен барышында укучылар аның биографиясе һәм иҗаты белән бәйле сорауларга җавап бирделәр. Укучылар үзләренең белемнәрен күрсәтеп кенә калмадылар, уңай эмоцияләр дә алдылар, Фоат Садриевның тормышы һәм иҗаты турында бик күп кызыклы нәрсәләр,аның ике дистәгә якын сәхнә әсәрләре, күпсанлы хикәяләр, юморескалар, повестьлар («Бәхетсезләр бәхете», «Таң җиле», «Көлми торган кеше",» Авылдан хатлар " һ. б.) авторы булуын белделәр.Шулай ук «Фоат Садриев – татарның Шолоховы ул»исемле китап күргәзмәсе оештырылды. Укучылар игътибарына Фоат Садриевның китапханә фондындагы әсәрләре тәкъдим ителде.