Бүген Г. Тукай ис. Мөслим урта мәктәбенең 7г классы укучылары өчен балигъ булмаган балалар белән эшләү бүлеге инспекторы Л.З.Салихова белән дәрес-әңгәмә узды.12-14 яшь аралыгы - яшүсмерләр өчен бик үзенчәлекле, каршылыклы, авыр чор. Әти-әни назы да,ышанычлы дусның җилкәсе дә, укытучы-мөгаллимнәрнең төпле киңәше дә балага бик кирәк чор.Ләйсән Зөлфәтовна тәкъдим иткән видеороликлар да, ул җиткергән һәрбер статистик мәгълүмат та үсмерләрне уйланырга мәҗбүр иткәндер,балалар хәтта күңелләрендә генә булган сорауларга да җавап алганнардыр дип ышанасы килә.