25 февраль көнне Г.Тукай ис. Мөслим урта гомуми белем бирү мәктәбендә таланты белән лаеклы рәвештә олпатлар мөнбәреннән урын алган, күренекле әдип, шагыйрь, мәртәбәле сүз остасы, Чаллы шәһәрендә чыга торган  укучыларның яраткан "Мәйдан" журналының оештыручысы, Чаллы югары уку йортларында студентларга дистәләгән лекцияләр укыган мөгаллим, күпсанлы шигырьләргә көйләр язучы үзешчән композитор,  "Соңгы көз", "Гөлҗиһан", "Былбыл оясы" повестьлары,  "Биек тауның башларында", "Шәүлә" романы, "Саташып аткан таң"роман-трилогиясенең авторы һәм инде безнең яраткан,хөрмәт иткән язучыбыз, Татарстанның атказанган мәдәният хезмәткәре, Гаяз Исхакый һәм Габдулла Тукай бүләге лауреаты Факил Сафин (Факил Әмәк) белән җылы очрашу булды.Әлеге чарада укучылар “Гөлҗиһан” әсәреннән өзекләр уйнап күрсәттеләр, сәнгатьле итеп шигырьләрен сөйләделәр. Китап укучылар конференциясе районның татар теле һәм әдәбияты укытучылары һәм укучылар тарафыннан җылы кабул ителде.