5 нче февраль көнне Г. Тукай исемендәге Мөслим урта гомуми белем бирү мәктәбендә районыбыз мәгариф учреждениеләре житәкчеләре - мәктәп директорлары, укыту-тәрбия эшләре буенча директор урынбасарлары, балалар бакчасы мөдирләре, мәгариф булеге методистлары катнашында киңәйтелгэн утырыш узды. Максаты – мәктәптә уку-укыту системасында барган үзгәрешләрнең белем һәм тәрбия дәрәҗәсенә тәэсирен курсәтү, тәҗрибә уртаклашу.

Мәктәпнең барлык предмет һәм башлангыч сыйныф укытучылары бу көнне зур сынау тотты: ачык дәресләр курсәтте.

Эшлекле иртә әхлак дәресләре белән башланып китте. Барлык сыйныфларда бу дәресләр мәктәп белән даими хезмәттәшлек итүче өлкән буын вәкилләре катнашында оештырылды. Башлангыч сыйныфларда әңгәмәләр әдәби әсәрләр укуга кызыксыну уятуга багышланса, урта сыйныфларда суз кешенең эчке дөньясындагы тәртибе, югары сыйныфларда рухи кыйммәтләр турында барды.

Дәресләрдә Тукай мәктәбенә генә хас булган аерым укыту процессында дәрес оештыру узенчәлекләренә басым ясалды, яңа методик алымнар, кызыклы эш төрләре курсәтелде. Аерым укыту һәм тәрбия бирү, беренче чиратта, белем алу сыйфатында чагылыш тапканын мәктәп директоры уз чыгышында дәлилләде, өстәмә белем бирудә кертелгән яңалыклар белән таныштырды.

Җитәкчеләр мәктәптә барган үзгәрешләргә карата уз фикерләрен җиткерделәр, киңәшләр бирделәр.