Бүген 1 нче сыйныф укучылары "Әлифба" бәйрәмен үткәрделәр. Монда яәа технологияләр,алымнар кулланып, 1 нче сыйныф укытучысы Тәслимә Мизһәтовна ачык дәрес күрсәтте.Аннан соң укучылар үзләренең сәләтләрен, белемнәрен җыр-бию, төрле уеннар аша әти-әниләргә, укытучыларга җиткерделәр.

Бүген  мәктәбебездә Тукай туган көненә багышланган әдәби-музыкаль кичә үтте. Кичәдә шагыйрьнең шигырьләре, шигырьләренә язылган җырлар, әкиятләреннән өзекләр сәхнәләштерелде. Кичәне татар теле һәм әдәбияты укытучысы Латыйпова Галия һәм башлангыч сыйныф укытучылары әзерләде.

Мәктәбебездә физикадан "Зубренок" конкурсы үткәрелде.

Латыйпов Айнур ( 9 нчы сыйныф) һәм Кашапов Артур (1 нче сыйныф) районда үткән Габдулла Тукайның 125 еллыгына багышланган чарада катнаштылар. Айнур "Иң оста җыр башкаручы" номинациясендә "Тәфтиләү" җырын башкарып 3 нче урынны алды. Артур "Туган тел" җыры белән призга лаек булды.
 

Мәктәбебездә татарның моңлы сандугачы Флүрә апа Сөләйманова чыгыш ясады. Аның  җырлары, әңгәмәләре укучыларда безнең милләтебезгә мәхәббәт уятты.

Бүген мәктәптә космонавтиканың  50 еллыгына багышланган инглиз теленнән кичә үткәрелде. Укучылар викторина сорауларына  инглиз телендә җавап бирделәр, кроссворд чиштеләр. Гагаринның космостан җиргә төшкән  урынында булган мәктәбебез директоры М.М.Ханнанов үзенең күргәннәре белән уртаклашты. Кичәне инглиз теле укытучысы Г.М.Вәлиева алып барды. Аңа 9 нчы сыйныф укучылары Латыйпов Айнур һәм Латыйпова Гүзәл ярдәм иттеләр.

Бүген  "Зирәк тиен" уен-бәйге үтте. Уенда  2-9 нчы сыйныф укучылары катнашты.

8 класс укучылары математикадан тест эшләделәр.

Яңа Усы авлында җыр-бию һәм нәфис сүз буенча "Яшь бөреләр" бәйгесе булып узды. Анда безнең мәктәп укучылары да катнашты. Шәехов Нурлан нәфис сүз, 1-4 сыйныф укучыларының "Шәкертләр биюе" белән финалга уздылар.