21 нче май көнне укучылар районда үткәрелгән пляж волейболында катнаштылар

20 нче май көнне пионер туган көнгә багышлап туризм ярышлары үтте.Ул көнне   “Гәрәй бакчасы” гөрләп торды.

19 нчы май  көнне район варисларының слеты узды.

8 нче май авылыбызда сугыш кырларында ятып калган авылдашларыбызны искә алып, “ Җиңүнең 66 еллыгы”на багышланган митинг үткәрелде.

Бүген башлангыч класс укучылары "Математический бой" исемле бөтенроссия күләмендәге конкурста катнашты. Шулай ук бүген 6 нчы сыйныф укучылары инглиз теленнән "Rainbow" исемле блиц-турнирда катнаштылар.  Конкурслар икесе дә интернет аша үткәрелде.

Бүген мәктәптә күмәк өмә оештырылды: карлыган, чия, алмагач аралары чистартылды һәм йомшартылды, кишер утырттык, суганга урын әзерләдек, мәктәп янын чистарттык.

Мәктәбебез директоры Миргарифан Мирзагалиевич "Җырлыйк әле!" тапшыруында катнашырга Казанга китте. Аңа зур итеп уңышлар телибез!

Бүген инглиз теленнән ачык дәрес булды. Дәресне инглиз теле укытучысы Вәлиева Гөлүсә Мәзһәр кызы яңа технологияләр, алымнар кулланып, җанлы итеп алып барды.

Бүген 1 нче сыйныф укучылары "Әлифба" бәйрәмен үткәрделәр. Монда яәа технологияләр,алымнар кулланып, 1 нче сыйныф укытучысы Тәслимә Мизһәтовна ачык дәрес күрсәтте.Аннан соң укучылар үзләренең сәләтләрен, белемнәрен җыр-бию, төрле уеннар аша әти-әниләргә, укытучыларга җиткерделәр.

Бүген  мәктәбебездә Тукай туган көненә багышланган әдәби-музыкаль кичә үтте. Кичәдә шагыйрьнең шигырьләре, шигырьләренә язылган җырлар, әкиятләреннән өзекләр сәхнәләштерелде. Кичәне татар теле һәм әдәбияты укытучысы Латыйпова Галия һәм башлангыч сыйныф укытучылары әзерләде.