Юл куркынычсызлыгы кагыйдәләрен искә төшерү, ныгыту максатыннан зурлар төркемендә "Юлда йөрсәң уяу бул!" дигән темага кызыклы чара узды. Балалар урам аша чыкканда игътибарлы булырга, саклык чаралары турында онытмаска кирәклеген өйрәнделәр. Юл йөрү кагыйдәләре турында биремнәр эшләделәр, табышмаклар чиштеләр.

Туган телләр һәм халыклар бердәмлеге елы уңаеннан Татарстан Республикасы флагы көне кысаларында мәктәпкә әзерлек төркемендә әңгәмә узды. Балалар символикалар турында белемнәрен киңәйттеләр, Татарстан гимнын тыңладылар.

Әниләр көне уңаеннан бакчада тәрбияләнүчеләр әниләргә бүләк-открыткалар ясадылар, әниләрне котлап видеролик төшерделәр.

Туган телләр һәм халыклар бердәмлеге елы уңаеннан зурлар төркемендә рәсем шөгылендә рус халкының дымка байбикәсен ясадылар.

Туган телләр һәм халыклар бердәмлеге елы кысаларында "Театр һәм балалар" проектын тормышка ашыру максатыннан "Кояшкай" балалар бакчасында тәрбияләнүчеләр авыл мәдәният йорты каршында эшләүче "Нур" балалар театрында кунакта булдылар. Балалар якташ язучыбыз Л.Леронның "Чәпәләй һәм Тәпәләй маҗаралары" спектаклен карадылар.

Бүген "Укытучылар йортында" мәктәп директорлары, балалар бакчалары мөдирләренең чираттагы киңәшмәсе узды.

Зурлар төркемендә тәрбияләнүче балалар саф һавага чыккач кошларны сыйладылар.

Саф һавага чыккач мәктәпкә әзерлек төркеме балалары юлларны кардан чистарттылар, бергәләп эшләү күнекмәләре алдылар.

Туган телләр һәм халыклар бердәмлеге елы уңаеннан мәктәпкә әзерлек төркемендә бишек җырлары турында әңгәмә узды. Балалар бишек җырлары турында белемнәрен киңәйттеләр, бишек җырларын тыңладылар. 

"Туп, туп түгәрәк, тәгәрәп кит тизерәк" - кечкенәләр төркемендә уен аша балаларның игътибарлылыгын үстерү, уен кагыйдәсен үтәргә өйрәтү максатыннан шогыль узды. Уен балалар өчен кызыклы һәм мавыктыргыч булды.