Мөслим гимназиясе укучылары язучы Ринат Мөхәммәдиев, шагыйрә Галия Гайнетдинова белән очрашты. Гимназиябезнең музеена экскурсия ясап, үзебезнең тарихны, казанышларны кыскача сөйләп үткәннән соң, мәртәбәле кунакларыбызны актлар залына озаттык. Матур эчтәлекле әңгәмә күңелле концерт номерлары белән ямьләндерелде. Гимназиябез журналистлары язучылардан интервью да алдылар. Әдипләребезнең чын күңелдән аралашуы, сорауларга тулы, мәгълүмати җавап бирүе безнең яшь каләм тибрәтүчеләребезне тагын да канатландырды. Гаҗәеп кызыклы, эчкерсез аралашудан һәркемнең күңелендә җылы тәэсирләр калды.