Туган телләр һәм халыклар бердәмлеге, районнын «Мөслим очкыннары» проекты кысаларында, татар халкының милли бәйрәме-«Карга боткасы» узды. Ата –бабаларыбызның бәйрәме белән балаларны таныштыру, аның тарихы турында сөйләү, киләчәк буынга бәйрәмнең әһәмиятен житкерү, татар халкының тормыш-көнкүрешенә һәм мәдәниятенә кызыксыну уяту, кошларга сакчыл караш булдыруны максат итеп куйдык.

Балалар төрле кош булып киенделэр, рольгә кереп, шул кош турында шигырь сөйләделәр, өй саен кереп, май, йомырка җыйдылар. Яланда әби балаларга ботка пешерде. Сорауларга җавап эзләү, табышмак әйтү, мәкальнең икенче яртысын эзләү кебек биремнәр залда утыручыларның күңеленә хуш килде. Бәйрәм азагында тәмле ботка белән сыйладылар.