«Заманча мәктәп» федераль программасы кысаларында Россия авылларында һәм кече шәһәрләрдә «Үсеш ноктасы» үзәкләре булдырылды. Бу программаның төп максаты – авыл җирлекләрендәге мәктәпләрнең җиһазланылышын шәһәрнекеләр дәрәҗәсенә күтәрү. Гимназиябездә  цифрлы һәм гуманитар профильдәге «Үсеш ноктасы» үзәге ачылды. Шушы программа нигезендә күп кенә җиһазлар кайтарылды. Мәсәлән 3D принтерында махсус пластик материалдан үзебезгә кирәк булырлык 3D-модельләр ясый башладык.

Шуларның берсе- печенье формалары. Кайчагында кибеттә дә кирәкле форма табу кыен, вакытны һәм көчне әрәм итмичә, үзеңә эшләү җиңелрәк. Моннан тыш, финанслар да экономияләнә. Билгеле бәйрәмгә тематик печенье пешерсән тагы да отышлы. 2021- Туган телләр һәм халыклар бердәмлеге елын исәптә тотып, без-татар орнаментларын чагылдырган формалар ясап, тәмле печеньелар пешерә башладык.

Сәяхәтләрдән  магнитлар алып кайту - элеккеге матур традиция. Үз  кулларыбыз белән ясалган бүләк - яңа хуҗага якынрак. Якыннарыңны   яна иҗат белән шаккатыру үзе үк рәхәт. Лазер станогы ярдәмендә, үзебезнең күңелгә туры килә торган, магнитлар ясауга өстенлек бирәбез.

“Мөслим очкыннары” проекты кысаларында, без-8нче сыйныф укучылары үзебезнең бизнес проектын тормышка ашырабыз.