Максаты:

      Туган телгә - ана телебезгә мәхәббәт тәрбияләү, телебезне сакларга һәм якларга кирәклеген төшендерү, туган телнен матурлыгын тоярга өйрәтү.

 Башлангыч сыйныф укучылары өчен “Туган телем-иркә гөлем” исеме астында китаплар күргәзмәсе оештырылды. Китап күргәзмәсендә әдәби китапларга күзәтү дә ясалды.

      Укучылар “Татар халык иҗаты”, “Татар тарихы”,” Татар халык ашлары”, “Татарлар өчен милли киемнәр” китаплары белән таныштылар. Мөҗәһит Әхмәтҗанов иҗаты һәм матур әдәбият китапларын укыдылар.

       Без, укытучылар: “Балалар китап укымый”, -дип зараланабыз, кызганыч, бу чыннан да шулай. Балаларны да аңларга тырышырга кирәк: алар бит кызыклыракны, мавыктыргычракны, җиңелрәкне карыйлар. Димәк, дәреслекләр, китаплар да балаларның игътибарын җәлеп итәрлек булырга тиеш

Татар теле – Тукай теле. Аның шигырьләрендә туган телне ярату, туган илгә булган мәхәббәт белән үрелеп килә. Шуңа күрә дә туган телне ярату ватанга тугрылыкка, ата – ананы яратуга, хөрмәт итүгә тиң. Татар телендә бик күп китаплар, телевидениедә бик күп тапшырулар алып барыла. Татар телендәге мультфильмнарны да бик яратып карыйбыз.