Мөслим гимназиясе укучылары Тат Бүләр авылында яшәүче тыл ветераны Фаздалова Нәгыймә апада кунакта булып кайттылар. Нәгыймә апа үзенең тормыш юлы, авыр сугыш еллары хакында сөйләде. Без килгәндә Нәгыймә апаның ике сеңлесе дә аның янында иде. Алар ачык йөз белән каршы алып, матур хатирәләре белән генә бүлешеп калмадылар, укучыларны тәмле әйберләр белән дә сыйлап җибәрделәр.