16-17 нче сентябрь көннәрендә Мөслим районында “Рухи һәм әхлакый үсеш елы” кысаларында “Әдәбият һәм сәнгать көннәре” узды. Ике дистәгә якын язучы, шагыйрь, әдәби тәнкыйтьчеләр, галимнәр, журналистлар арасында якташ язучыларыбыз да шактый. Мөслим үзәкләштерелгән китапханәсендә язучылар сәләтле балалар белән очрашты. Укучылар Фоат Садриев, Шәмсия Җиһангирова, Эльмира Шәрифуллина, Рифә Рахман, Вахит Имамов, Марсель Галиев, Газинур Морат, Фуат Галимуллин, Ләбиб Лерон, Факил Сафин, Галимҗан Гыйльманов һәм башка күренекле шәхесләр белән танышты, иҗат белән кызыксынучылар мастер-класс алдылар. Балалар язучылар алдында имтихан тотты - үз иҗат җимешләрен тәкъдим иттеләр. Гимназиянең 8б сыйныфы укучысы Алия Солтанова “Язлар нигә матур?” шигырен сөйләде, 7 нче а сыйныфы укучысы Камилә Минһаҗева Шәмсия Җиһангирова иҗатын тәкъдим итте, Сабина Идиятуллина “Мөслимем” җырын башкарды