Мәктәбебездә Туган тел һәм халыклар бердәмлеге елына старт бирелде. Укучылар Татарстан Республикасы президенты указы һәм ел буена мәктәпкүләм үткәреләсе чаралар планы белән танышты. Чарада Михайловка авылы "Ак калфак" иҗтимагый оешмасы җитәкчесе Гөлҗиһан Латыпова да катнашты, ул үз чиратында, укучыларны туган телдә сөйләшергә, аны сакларга өндәде. Укучылар туган тел турында шигырьләр сөйләделәр, матур җырлар башкардылар. Чараның тагын бер кунагы Мирзанур абый Гыймаев гармунда татар халык көйләренә тезмә уйнады, укучыларның яратып уйный торган "Чума үрдәк, чума каз", "Түбәтәй" уенна рын уйнатты.