Бүген Г.Тукай исемендәге Мөслим урта гомуми белем бирү мәктәбе базасында сәнгать, рәсем, музыка укытучыларының "Сәнгать дәресләрендә функциональ грамоталылыкны үстерүнең нәтиҗәле алымнары" исемле районкүләм семинар-практикум узды. Лицейның музыка укытучысы Заянова Лилия Рафис кызы "Сәнгать дәресләрендә функциональ грамоталылыкны төрле алымнар аша ныгыту" темасына мастер-класс күрсәтте.

Бүген Казан шәһәрендә узган «Шәҗәрәләр -нәсел агачы» исемле төбәкара фәнни-гамәли конференциядә Мөслим лицее укучылары Миннебаева Резеда, Морзаханова Мәдинә, Шакирова Алинә, Әхмәдуллин Исмәгыйль лауреат булдылар. Укытучылары - Чулпан Ситдыйкова, Эльвера Ситдыйкова.

Хокук белемнәре айлыгы кысаларында 3а сыйныф укучылары Мөслим районы прокуратурасына экскурсиягә бардылар. Ведомство җитәкчесе Данис Дамирович, прокурор ярдәмчесе Ильвир Рафакович укучыларны прокуратура эшчәнлеге белән таныштырдылар.

Укучылар үзидарәсе активистлары башлангыч сыйныфларда "Әниләр көненә кинолектория" акциясен оештырдылар. Чарада укучылар әниләр турында мультфильм карадылар, нәни йөрәкләргә әниләренә матур теләкләр яздылар.

В рамках Недели психологии с целью выявления уровня коммуникативных умений детей, умения договариваться и согласовывать свои действия с другими людьми, психолог лицея Сафина Л.Я. для обучающихся  3в класса провела релаксационное упражнение «Рукавички». Процесс создания рукавичек вызвал у детей массу положительных эмоций. Умение договариваться и не вступать в конфликтные ситуации – одно из очень важных умений в жизни человека, и, выполняя подобные упражнения, дети учатся активному взаимодействию друг с другом.

Бүген Минзәлә районы Югары Тәкермән мәдәният йортында узган Г.Тукай исемендәге дәүләт премиясе лауреаты, Татарстан Республикасының атказанган сәнгать эшлеклесе, шагыйрә Гөлшат Зәйнашеваның тууына 95ел тулуга багышланган "Кояш гомере телим мин, Минзәләм сиңа" X нчы Республикакүләм иҗат фестивалендә актив катнашып, Мөслим лицееның 1а сыйныфы укучысы Мөҗипова Илиза, 9а сыйныфы укучысы Муллагалиев Илназ “җыр” номинациясендә, 3б сыйныфы укучысы Шәмсетдинова Ясминә  “нәфис сүз” номинациясенә җиңүче дипломнары белән бүләкләнделәр. Һәр катнашучыга махсус бүләкләр тапшырылды.

Бүген 2б сыйныфында "Әнием-кадерлем!" исемле бәйрәм чарасы узды. Балалар әниләренә багышлап матур шигырьләр, җырлар, биюләр башкардылар, әниләренә атап ясаган бүләкләрен тапшырдылар. Әниләр игътибарына "Тиремкәй" сәхнәләштерелгән әкият тә куелды. Сыйныф җитәкчеләре-Шәйдуллина Алия Сириновна.

Мөслим лицее директоры Чулпан Әхмәтшина, "Татарстан Республикасының бәлигъ булмаганнар белән эшләүче иң яхшы җәмәгать тәрбиячесе - 2023" республика бәйгесенең финалында катнашып, "Уңышка юл" номинациясендә җиңү яулады.

В рамках месячника правовых знаний, инспектор по делам несовершеннолетних Хайруллина Ирина Сергеевна встретилась с учениками 7а, 8 а классов и провела профилактическую беседу по темам "Профилактика правонарушении" и "Противодействие коррупции"

Хокук белемнәре айлыгы кысаларында һәм 20 ноябрь-балаларга хокукый ярдәм көне уңаеннан Мөслим лицеенда эшмәкәр, әтиләр советы әгъзасы Габдрахманов Нияз белән очрашу узды. Очрашуда Нияз Мунавирович балаларның хокуклары турында аңлатты, сорауларга җавап бирде.