"Сәламәт яшәү рәвеше" атналыгын йомгаклап "Күңелле стартлар" уены оештырылды. Уеннарда барлык балалр да актив катнашты.

"Күбәләк" балалар бакчасында бу атна сәламәт яшәү рәвешен пропагандалау атнасы булды. Шул уңайдан барлык төркемнәрдә дә "Сәламәт яшәү рәвеше" исемле рәсем күргәзмәләре оештырылды. Балалар әти- әниләре белән берлектә шул темага кагылышлы рәсемнәр ясап алып килделәр.

Безнең балалар бакчасында "Сәламәт яшәү рәвеше" атналыгы дәвам итә. алалар сәламәт яшәү рәвеше турында хикәяләр тыңлыйлар, шигырьләр өйрәнәләр, спортның файдасы турында белемнәрен арттыралар, саф хавада төрле спорт уеннары уйныйлар.

Футбол буенча дөнья чемпионаты барган вакытта без дә тыныч кына утыра алмыйбыз, рәхәтләнеп футбол уйныйбыз, үзебезнең команда өчен җанатабыз.

"Күбәләк" балалар бакчасының кечкенә галимнәре комның үзенчәлекләрен тикшерде.Тирә-юньдәге бөҗәкләрне,үсемлекләрне лупа аша карадылар,өйрәнделәр,

"Күбәләк" балалар бакчасының зурлар төркемендә Рамазан ае төгәлләнүгә багышланган мәҗлес оештырылды.Балаларга әхлак тәрбиясе,тәртип кагыйдәләре искә төшерелде.

Бүген "Күбәләк" балалар бакчасында Сабантуй бәйрәме.

Сабан туе, хезмәт туе,

Шатлык һәм бәхет туе.

Уйнап-биеп, җырлап-көлеп

Бәйрәм итик көн буе!

Котлы булсын, балалар,

Ямьле Сабан туйлары!

Бүген "Күбәләк" балалар бакчасында милли орнаментлар белән танышу көне.Балаларыбыз татар халкының милли орнаменты һәм рус халкының милли орнаменты белән таныштылар.Максат-балаларны милли киемнәр,аларның үзенчәлекләре, кагыйдәләре  белән якыннан таныштыру.

Бүген бакчабызда Әкият персонажлары көне. Безнең нәни артистларыбыз һәрвакыттагыча искиткеч яхшы чыгыш ясадылар. Молодцы, балалар сез булдырасыз!!!

"Күбәләк" балалар бакчасында бүген "Әкиятләр илендә" исемле чара узды. Балалар "Шалкан" әкиятен сәхнәләштерде.Балалар батыр булырга, зурларның сүзләрен тыңларга, хезмәтне яратырга ,дус һәм тату яшәргә өйрәнде. Балаларыбыз үзләрен аудитория алдында тотарга өйрәнәләр,аларның сөйләм теллләре үсә.