Бүген "Күбәләк" балалар бакчасының IIнче кечкенәләр  төркемендә  Мөслим авылы, туган як турында әңгәмә үткәрелде.Ә уртанчылар төркемендә Татарстан Республикасы шәһәрләре буйлап сәяхәт оештырылды.

 Балаларга бакча чәчәкләре турында әңгәмә үткәрелде. Тәрбияче апалары  балаларга шигырьләр укыдылар, шулай ук ”Бу нинди чәчәк? “Мин кайда үсәм, бел” дидактик уеннары уйнатылды. Соңыннан балалар презентация карап, “Минем яраткан чәчәгем” темасына рәсемнәр ясадылар,рәсемнәрдән күргәзмә оештырылды.

Беренче кечкенәләр төркеме балалары дару үләннәре белән таныштылар,аларның файдасы турында сөйләштеләр,үлән чәйләре эчтеләр.

II нче кечкенәләр төркеме балалары бүген бакча чәчәкләре-розалар булдылар. Балалар уйнап-биеп,җырлап-көлеп күңел ачтылар.

Икенче кечкенәләр һәм зурлар төркеме балалары бүген кыр чәчәкләре белән таныштылар.Төрле чәчәкләрне кисеп,ябыштырып коллектив эш башкардылар.

Бүген бакчабызга мәгариф идарәсе методисты Ибрагимов И.М. һәм Республика матди ярдәм күрсәтү үзәгенең Мөслим бүлекчәсе җитәкчесе Мингалимова Н.Г. килделәр.Алар әти-әниләргә балалар бакчасына түләүнең компенсация өлешен Госуслуги РФ порталы аша кайтару тәртибен аңлаттылар.

Зурлар төркеме балалары бүлмә гөлләре белән таныштылар.Аларга матур булып үсү өчен нинди шартлар тудырырга,ничек тәрбияләргә кирәклеге турында фикер алыштылар.Соңыннан гөлләрнең төпләрен йомшартып,су сиптеләр.

Бүген "Күбәләк" балалар бакчасы коллективы "Кояшлы Ык"та өмәдә.