Икенче кечкенәләр төркемендә 12 ноябрьдан 15 ноябрьга кадәр "Балаларның сөйләм үстерү эшчәнлегендә Ф.В.Хәзрәтованың, З.Г.Шәрәфетдинованың  "Туган телдә сөйләшәбез" укыту-методик комплектын кулланып эшлүнең торышы" темасына тематик тикшерү узды. Тәрбиячеләр Г.Я.Сафиуллина, Р.М.Габдулхакова сөйләм үстерү буенча ачык белем бирү эшчәнлеге күрсәттеләр.  Тәрбияче Г.Сафиуллинаның  "Көз" темасындагы эшчәнлегендә балалар көзге "урманга" сәяхәткә бардылар. Анда кипкән көзге яфраклар өстеннән йөрделәр, яфракларның кыштырдавын тыңладылар. Урмандагы керпеләргә, тиеннәргә чикләвекләр, нарат күркәләре җыйдылар. Көзге табигать турында белемнәре ныгытылды. Эшчәнлек ахырында  Сөмбелә рәсемен төрле төстәге көзге яфраклар белән бизәделәр.