28 май көнне мәктәпкә әзкрлек төркеме балалары бакча белән хушлаштылар. Санаулы еллар эчендә алар үсеп, күп кенә һөнәрләргә өйрәнгәннәр. Алар җырлый, бии, нәфис сүз сөйли.
Шатлыклы да, бераз моңсу мизгелләргә бай булды бәйрәм. Балаларның уңышларына сөенеп, аларга йөрәк җылысын өләшеп, төрле һөнәрләргә өйрәтүче  тәрбиячеләр адресына җылы теләкләрен юлладылар.
 Шушы чарага Фрекен Бок һәм аның мәчесе белән Карлсон кебек әкият геройлары  да килде.  Алар белән биеп күңел ачты балалар. “Портфелеңне җый” уенында да сыналдылар.
 Балалар бакча хезмәткәрләренә дә рәхмәтләрен җиткерделәр. Балалар вальс биегәндә байтак  әти-әниләрнең күзләре чыланды.