25 август көнне Мөслим политехник техникумында "Бердәм Россия" партиясенең  "Яңа мәктәп (Новая школа)" федераль проектын кысаларында "Мөмкинлекләре чикләнгән балаларга Һөнәри белем бирү һәм хезмәт белән тәэмин итү үзенчәлекләре" исеме астында семинар узды. Семинарны мәгариф идарәсе җитәкчесе урынбасары Әхмәтҗанова Эльвира Фәрәсәт кызы ачып җибәрде. Профессор, Татарстанның атказанган укытучысы - Әхмәтова Дания Заһри кызы мөмкинлекләре чикле укучыларның хокуклары, укыту программасы, белем алу шартлары турында таныштырып узса, "Психологик-педагогик һәм медик-социаль ярдәм үзәге" дәүләт бюджет учреждениесе җитәкчесе Ермолаева Наталья Алесандровна инвалид балалар сәламәтлегенә кагылышлы сорауларга җавап бирде,  Демина Эльмира Гусмановна мәгариф һәм фән  министрлыгының Һөнәри программаларны тормышка ашыру һәм өстәмә белем бирүне методик тәэмин итү бүлеге мөдире исә инклюзив белем бирү буенча методик ярдәм күрсәтте . Семинарда тәрбия эшләре буенча директор урынбасары Бәдретдинова Г.М. катнашты.

Мөслим лицее базасында татар теле һәм әдәбияты укытучыларының  “Туган (татар) тел һәм әдәбияты укытучысы эшчәнлегендә  яңартылган ФДББС таләпләрен тормышка ашыру” темасына секция утырышы узды. Әмәкәй төп мәктәбенең татар теле һәм әдәбияты укытучысы Шамосва Р.Д."Программаны үзләштерүдә предмет, метапредмет һәм шәхескә кагылышлы нәтиҗәләрне формалаштыру өчен биремнәр" темасына чыгыш ясады. Секция утырышында район мәгариф идарәсе начальнигы Хәбибуллина Л.Я. республикакүләм фән олимпиадаларының муниципаль этабында җиңүче әзерләгән Хәкимова Г.Ш.га  Мактау грамотасы тапшырды, мөгаллимнәргә яңа уку елында уңышлар теләде. 

"Мәктәпкә әзерләнергә ярдәм ит!" акциясе кысаларында 1нче сыйныфка укырга керүче Шайхразиев Ривальгә иганәчеләр ярдәме белән 2000 сумлык сертификат бирелде.

1 июнь- Халыкара балаларны яклау көне уңаеннан, балалар сабантуе үткәрелде. Уку алдынгылары, конкурс-бәйгеләрдә җиңү яулаган укучылар бүләкләнде. Аннары саф һавада балалар өчен  сабантуй үткәрелде.

30 май көнне укучылар класс җитәкчеләре белән Мөслимгә экскурсиягә бардылар. Кояшлы Ык, Җиңү паркларында булдылар, кинотеатрда мультфильм карадылар.

Олимпиада призерларын район Башлыгы Хуҗин Альберт Робертович котлады. Рәхмәт хатына 8 нче сыйныф укучысы татар әдәбиятыннан республика олимпиадасы призеры, татар теленнән халыкара олимпиада катнашучысы Мөхәмәдиева Азалия лаек булды. Укытучысы Хәкимова Гөлнара Шәриповна.

Бүген мәктәптә “Соңгы кыңгырау” бәйрәме үтте. Бәйрәмдә ветеран укытучылар, әти-әниләр катнашты. Уку алдынгылары, конкурс-олимпиада җиңүчеләре бүләкләнде.

Хөрмәтле укытучылар һәм әти-әниләр! Сезне бүгенге бәйрәм белән чын күңелдән тәбрик итәбез. 9 нчы сыйныфны тәмамлаучы Гаязов Исламга имтиханнарда уңышлар телибез, остазларыгызның файдалы һәм акыллы киңәшләре ярдәм итсен, барлык уй-хыяллар һәм омтылышлары чынга ашсын! Хәерле сәгатьтә!

24 май көнне Мөслимдә районкүләм Соңгы кыңгырау бәйрәме узды. Традиция буенча уку, спорт, мәдәният алдынгылары, актив укучылар бүләкләнде. Бу чарада уку елын гел "5" ле билгеләренә генә тәмамлаган 4 нче сыйныф укучысы Мөбәрәкова Лилияна катнашты һәм район Башлыгының Рәхмәт хатына лаек булды.