1 июнь- Халыкара балаларны яклау көне уңаеннан, балалар сабантуе үткәрелде. Уку алдынгылары, конкурс-бәйгеләрдә җиңү яулаган укучылар бүләкләнде. Аннары саф һавада балалар өчен  сабантуй үткәрелде.

30 май көнне укучылар класс җитәкчеләре белән Мөслимгә экскурсиягә бардылар. Кояшлы Ык, Җиңү паркларында булдылар, кинотеатрда мультфильм карадылар.

Олимпиада призерларын район Башлыгы Хуҗин Альберт Робертович котлады. Рәхмәт хатына 8 нче сыйныф укучысы татар әдәбиятыннан республика олимпиадасы призеры, татар теленнән халыкара олимпиада катнашучысы Мөхәмәдиева Азалия лаек булды. Укытучысы Хәкимова Гөлнара Шәриповна.

Бүген мәктәптә “Соңгы кыңгырау” бәйрәме үтте. Бәйрәмдә ветеран укытучылар, әти-әниләр катнашты. Уку алдынгылары, конкурс-олимпиада җиңүчеләре бүләкләнде.

Хөрмәтле укытучылар һәм әти-әниләр! Сезне бүгенге бәйрәм белән чын күңелдән тәбрик итәбез. 9 нчы сыйныфны тәмамлаучы Гаязов Исламга имтиханнарда уңышлар телибез, остазларыгызның файдалы һәм акыллы киңәшләре ярдәм итсен, барлык уй-хыяллар һәм омтылышлары чынга ашсын! Хәерле сәгатьтә!

24 май көнне Мөслимдә районкүләм Соңгы кыңгырау бәйрәме узды. Традиция буенча уку, спорт, мәдәният алдынгылары, актив укучылар бүләкләнде. Бу чарада уку елын гел "5" ле билгеләренә генә тәмамлаган 4 нче сыйныф укучысы Мөбәрәкова Лилияна катнашты һәм район Башлыгының Рәхмәт хатына лаек булды. 

"Мөслим егете.Мөслим кызы" проекты кысаларында узган җиңел атлетика ярышларында укучыларыбыз 5 призлы урын яулады. Озынлыкка сикерүдә Насыбуллин Азат һәм Нуриева Лиана 1 урын, Яруллина Роза 3 урын, 60 метрга йөгерүдә Лиана һәм Роза 1 һәм 3 урынга лаек булдылар. Тренер Әхмәтов Р.Ә. Афәрин! Котлыйбыз!

Мәктәп яны тәҗрибә участогында язгы эшләр башкарылды:  кишер, кызыл чөгендер, бәрәңге , суган утыртылды.

В преддверии 77-летия Победы в Великой Отечественной войне МБОУ «Амикеевская ООШ» приняла активное участие в акции "Юные герои Великой Победы", в рамках реализации федерального партийного проекта «Культура малой Родины». 7 мая был организован праздник ко Дню Великой победы. Учащиеся показали литературно-музыкальное театрализованное представление, в ходе которого были показаны начало войны, уход мужчин на войну, эпизод из фронта и День победы. Так же были озвучены песни и стихи военных лет. Представление никого не оставило равнодушным: ветераны тыла, дети военных лет смотрели со слезами на глазах, вспоминая жестокие военные годы.