Татар мәктәпләрендә белем алучы укучылар арасында узган татар әдәбияты буенча республика олимпиадасында мәктәбебезнең 9 нчы сыйныф укучысы Мөхәмәдиева Азалия призер булды. Укытучысы Хәкимова Г.Ш.. Котлыйбыз!!!

Совет гаскәрләренең Әфганстаннан чыгарылуына 34 ел тулу уңаеннан, бер төркем әфганчы райондашларыбыз, укучылар, укытучылар Әфганстанда интернациональ бурычын үтәгәндә һәлак булган Кызыл Йолдыз ордены кавалеры Фәррахов Илфар, бертуган Филис һәм Фаяз Исмәгыйлевләрнең каберләренә зиярәт кылып, чәчәкләр салдылар.

Укучыларыбыз "Созвездие-Йолдызлык 2023" фестиваленең район сайлап алу турында чыгыш ясадылар. Җитәкчеләре: Бәдретдинова Г.М., Мубаракова Д.Ф.

2,4  класста "Әфганстан-төзәлмәс яра" дигән темага класс сәгате үтте. Укучылар Әфганстанда хезмәт иткән авылдашларыбыз белән таныштылар. Класс җитәкчесе Мөхәмәдиева А.Ф.

Профориентация эшчәнлеге кысаларында 8-9 нчы сыйныф укучылары Мөслим политехника техникумының директор урынбасары Ханов Р.З. белән очраштылар. Ул техникумга кабул итү тәртипләре һәм һөнәри юнәлешләр төрлелеге хакында сөйләде. Укучылар әңгәмәдә актив  катнаштылар һәм үзләрен кызыксындырган сорауларга җавап алдылар.

5 класста әфганчыларга багышланган тормыш дәресе үтте. Укучылар Хәтер китабы белән һәм И.Фарраховның хатлары, шәхси әйберләре белән таныштылар. Класс җитәкчесе Фаррахова Р.Г.

Патриотик айлык кысаларында мәктәбебез укучылары һәм укытучылары әфганчы авылдашларыбыз каберенә зыярәт кылдылар. Каберлек яннарын кардан арындырдылар.

6 нчы класста "Әфган яралары" дигән темага тормыш дәресе үтте. Укучылар музейга кереп, авылыбыз әфганчыларына багышланган почмак белән таныштылар. Аннан соң Әфганстанда һәлак булган авылдашыбыз Илфар Фарраховның хатларына нигезләнеп ясалган фильм карадылар. Класс җитәкчесе Мөбәрәкова Д.Ф.

Татар мәктәпләрендә белем алучы укучылар арасында узган татар теле буенча республика олимпиадасында мәктәбебезнең 5 нче сыйныф укучысы Мөбәрәкова Лилияна призер булды. Укытучысы Шамсова Р.Д.. Котлыйбыз!!!