20нче гыйнвар көнне районның татар теле һәм әдәбияты укытучылары арасында “Ел укытучысы – 2015” бәйгесенең сайлап алу туры узды.  Безнең гимназиядән  Сәмигуллина Ләйсан Фиргатовна катнашты. Югары үрләр яулавыгызны телибез, хөрмәтле укытучыбыз! 

19нчы декабрь көнне гимназиядә  башлангыч сыйныфлары арасында “Сәхнә җәүһәрләре” исемле театр фестивале узды. Балалар укытучылар белән берлектә жюри әгъзаларының күңеле булырлык өзекләр әзерләгәннәр. Жюри әгъзалары арасында К.Тинчурин исемендәге татар дәүләт драма һәм комедия театрының халык артисты Хәсәнов Илгизәр абый да бар иде. Дәвамы 23 нче декабрьдә 5-11нче сыйныфлар арасында булачак. Чыгыш ясаучы сыйныфларга бик зур рәхмәт. Гран при Дипломына 2А сыйныфы укучылары лаек булды. Чын күңелдән котлыйбыз сезне, балалар. Зур сәхнәләргә дә менәргә насыйп булсын! Урта һәм өлкән сыйныф укучыларына уңышлар телибез!