28.05.2015 “Казан ярминкә”сендә иҗади-техник эшләр ярминкәсендә балалар  укучыларның, гомумән, халыкның   югары дәрәҗәдә уңганлыгына, булганлыгына тагы бер кат инанып кайттылар.

25нчы,26нчы май көннәрендә 4нче сыйныфларда  шаулап-гөрләп башлангыч мәктәп белән  саубуллашу кичәләре узды. Чаралар бик матур, күңелле булса да, балалар да, беренче укытучылары да күз яшьләрен яшерә алмадылар.

Сегодня, 26.05.2015г., в гимназии прошла торжественная линейка. Дипломами были награждены учащиеся, проявившие себя в учёбе и культурно-массовой деятельности.

Бүген гимназиядә Соңгы кыңгырау бәйрәме үткәрелде. Чыгарылыш сыйныф укучыларын чын күңелдән котлыйбыз һәм Бердәм дәүләт имтиханнарын уңышлы тапшыруларын, барлык хыялларының тормышка ашуын телибез.

Бүген балалар һәм ата-аналар мәктәп әйләнәсен чәчәккә күмделәр. Изге эшләрегез дәвамлы булсын!

13 май көнне Ак барс яшьләр үзәгендә ШТКаның финал уены булып узды. Безнең гимназиянең "Катык" командасы Чемпион булды. Аларны җиңүләре белән чын күңелдән котлыйбыз. Афәрин, балалар!

Гимназиядә вакытлы матбугатка язылу көне үткәрелде. Укучылар һәм ата-аналар бик теләп икенче яртыеллыкка газета һәм журналларга язылдылар.

28.05.15-26.06.15 гимназиядә җәйге лагерь эшләячәк. Балаларны мавыктыргыч һәм файдалы ял итү көннәре көтә.

Рәхим итегез!

Гимназиядә Җиңүнең 70 еллыгына багышланган чаралар дәвам итә. 2А сыйныфы укучылары сугыш ветераны Величко Юрий Александрович белән очраштылар. 14 яшеннән партизан отрядында сугышкан, 16 яшеннән үзе теләп фронтка киткән Юрий Александрович сугыш хатирәләре турында сөйләгәндә, балалар тын да алмый тыңладылар. Аннары ветеранны сорауларга күмделәр. Сугыштан соңгы елларда да күп уңышлар яулаган Юрий Александрович укучыларга бик файдалы киңәшләр дә бирде.  Очрашу тәэсире балалар күңелендә озак сакланыр.